Yudas 1:4 - Muna Southern Dialect

⁴ Kapaꞌamo nonandoo mie mekase-kasepeno ne olotamiu itu. Andoa itu mie modai mebhansu-bhansuleno bhihitano rahamatino Lahataꞌala nembali kasalawando damolua nafusuundo. Andoa dogagai Yesus Kristus, Kafeompuꞌa bhe Omputo Kaseemie-mieꞌano. Mpini wawono kahukumu so andoa ini toka notibuhi weo Kitabi.

Yudas 1:4 Iomraidhean Croise

Matius 13:25

Gahaꞌa sealo, tangasano doodo mie, nomaimo kaewano lasao neꞌewiane dana ne olotano gandum naꞌa maka nokala.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Tula-tulando rasulu 11:23

Nohato we naꞌa Barnabas noꞌia sepaliꞌa nowoha kabarakatino Lahataꞌala ne andoa maitu. Anoa notangahida kosasawindo nakumampuu-mpuu lalondo damasande ne Ompu.

Tula-tulando rasulu 15:24

Tafetingke nandoo seemie hodua maiꞌaono we insaodi ini dofohaliakoomu bhe dofekasabhaangkoomu kafoguhundo, tamaka suano katudu mani.

Galatia 2:4

Daanumo nandoo mesalono peda naꞌa, tamaka andoa maitu o mie mekalisuno, dompahabhahi-bhahitie ne intaodiomu. Andoa dopesua miina daediu-diua so damata-mataiꞌao kaowu kabebasintoomu mie marasaeano ne Kristus ⸤ maiꞌao ne pahintano Musa⸥ . Patudhundo dasumuli damobhatua kaita ⸤ ne sabhaha tubhono agama Yahudi⸥ .

Galatia 5:13

Bhahitieꞌiku, daanumo nobhasikoomu Lahataꞌala so bebasiꞌaoꞌomu, ampamo kaowu kabebasi aitu koise pakeeꞌomu so tingkuno mangkafiomu sabhaha kapoindalono wuto, tamaka poꞌondo-ondofaoꞌomu pomoni-moniniꞌaoꞌomu.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

1 Timotius 5:8

Ampamo kaowu ane nandoo tapa umondofaono bhahitieꞌino, mangkenomo mie weo lambuno, ingka mie aitu nokukundoemo kaparasaeano, nodaimo dua anoa bhe mie tapa marasaeanoa.

2 Timotius 2:12

ane dakosabahaomu dapotaamiꞌao kakadee-dee, ingka mada kaowu damahinta dua bhe Anoa; ane dagumaga miina damandeꞌaane, ingka mada kaowu nagumaga dua miina nafopandeꞌao;

2 Timotius 3:6

Ne olotando andoa maitu nandoo mepesuakino kolambuno miina daefemata-mataa maka dofofoinaꞌu bhe dokabua totono lalondo hobhine monaleno dhagi. Hobhine medano naꞌa nobhahi dhosando bhe nokuasaida sabhaha kapoindalo pata metaa.

1 Petrus 2:16

Dadiomu peda mie bebasi, tamaka koise pakeomu kabebasi aitu somo tingkuno habu modaimiu. Dadiomu peda seemie palima-limano Lahataꞌala.

1 Petrus 2:8

Notibuhi dua, “Kontu aini somo katitunoꞌa, somo dua katifolongkoꞌando mie.” Katitunoꞌando hampano miina daeangka ne bhoasaono Lahataꞌala, pedamo toka nefotantuno Lahataꞌala.

1 Petrus 4:18

⸤ Weo Kitabi notibuhi peda aini,⸥ “Ane mie banara noꞌalimo dasumalamati, o ae bhahaa so kumadhadhiaꞌano ne mie pata meangkano bhe mie kodhosa?”

2 Petrus 2:10

mangkenomo andoa mangka-angkafino nafusuu hamesa bhe kapoindalo pokahakuno bhe misakino kuasano Lahataꞌala. Kaꞌosano kakadondo bhe kalangkeno diundo mie mpahaguru-guruno naꞌa, sampe dokadomo dua dofekaꞌaebu dumadino weo kakalabhia te surugaa.

2 Petrus 2:7

Wakutuu anaꞌa ampamo Lot nefosalamati. Anoa ini mie banara, nosabha mpuu handano hampano habundo mie tapa mefadhulino atora bhe dumadino weo nafusuu modai.

2 Petrus 3:7

Tamaka hampanomo dua bhoasaono naꞌa lani bhe dhuniantoomu ampa aitu sadaa-daa nodambaꞌaane, neanomo mada kaowu namohansuruane efi; nohunsa-hunsae ampa nahumato tempono so katibhotusiꞌando bhe katifobinasaꞌando mie modai.

1 Yohanes 2:22

Laꞌae bhahaa kopahano naꞌa? Ingka o mie gumagaino putae Yesus suano Omputo Fosalamatino nedhandiꞌaono Lahataꞌala. Mie amaitu o kaewano Kristus, nokiido naꞌumakui Amantoomu bhe Anano.

Yudas 1:15

Ompu Lahataꞌala nabhitahaki kosasawindo mie, nahumukumu mie modai hampano habu modaindo, nahumukumu dua mie kodhosa pata sumombaino Lahataꞌala mbaꞌinomo sabhaha wamba kafekaꞌaebu nefolimbando ne Ompu.”

Yudas 1:18

Ingka tokamo dofohatokoomu wawo ambado, “Namaꞌo pandano dhamani datiumba sabhaha mie so meele-elekoomu, andoa ini tadadumadimo damangkafi kapoindalondo daehabu dhosa.”

Powoha 15:4

Laꞌae bhahaa so tapa moteꞌino ne Hintu Ompu? Laꞌae bhahaa so tapa mekakalabhiano neamu? Kapaꞌamo Hintumo kaowu mongkilono. Sabhaha bansano liwu damai datumaohao sombado ne Hintu, kapaꞌamo kabhotusimu umadhilino dowohaemo sabhaha mie.”