Yudas 1:3 - Muna Southern Dialect

³ Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.

Yudas 1:3 Iomraidhean Croise

Tula-tulando rasulu 17:3

Nomaiꞌao ne aeatino Kitabi naꞌa notalesaandae bhe nofotiwohaandae putae Mesias tetewei nakadee-dee bhe namanu namaiꞌao ne mate. Ambano, “Yesus nefohatoꞌaoku ini, Anoamo Mesias, Omputo Fosalamatino naꞌa.”

Tula-tulando rasulu 18:28

Miina namanda-mandaa, miendo Yahudi notaloanda wamba ne wisendo mie bhahi, bhe nofotiwohaandae ne aeatino Kitabi putae Yesus maitu Mesias, Omputo Fosalamatino.

Tula-tulando rasulu 20:27

Kapaꞌamo ampuu-mpuunie afohatoangkoomu kosasawiꞌae patudhuno Lahataꞌala.

Tula-tulando rasulu 28:28

Dadiꞌanomo tabeano mandeꞌaaneomu putae kasalamati maiꞌaono ne Lahataꞌala ini damohatoandae bansano liwu sigaoꞌano suano Yahudi maka andoamo so metingkee.”

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

Tula-tulando rasulu 9:13

Ambano Ananias, “Ompu, nobhahimo kafetingkeꞌaku mie anaꞌa, notolau kadaino podiuno ne umatimu mongkilono we Yerusalem.

Tula-tulando rasulu 9:22

Tamaka Saulus sadhulu-dhulu kabhala kuasano, kapaꞌamo nobhahimo nofotiwoha bukutii putae Yesus maitu kotu-kotuꞌu Mesias, Omputo Fosalamatino, sampe miendo Yahudi we Damsyik nomate akalando.

1 Korintus 15:3

Fofoliuꞌano kafaraluu padamo afohatoangkoeꞌomu, pedamo dua netahimaku wutoku, putae Kristus padamo nomateꞌao dhosantoomu, noposahataa bhe wambano Kitabi.

Galatia 2:5

Tamaka bhe naseendai miina tasumowoandaa, neanomo Bhihita Metaa netahimamiu itu sadaa-daaꞌe nobanara, pae nakosalo-saloa.

Galatia 3:28

Kanandooꞌanomo miinamo bhe miendo Yahudi tawa miendo Yunani, miinamo bhe bhatua tawa mie bebasi, miinamo bhe moꞌane tawa hobhine, kapaꞌamo kosasawimiu itu seꞌisemoomu bhe Kristus Yesus.

Galatia 6:11

Ondoe kabuhi aini, kabhalaꞌino maka horofuno hampano abuhiane limaku wutoku.

Efesus 1:1

Suha aini nomaiꞌao ne idi, Paulus, rasuluno Kristus Yesus hampano kapoindalono Lahataꞌala. Apakatue so hintimiu umati mongkilono Lahataꞌala we Efesus, motangkano kaparasaea ne Kristus Yesus.

Filipi 1:1

Suha aini nomaiꞌao ne insaodi Paulus bhe Timotius, palima-limano Kristus Yesus. Tapakatue so kosasawimiu umati mongkilono Lahataꞌala seꞌiseno bhe Yesus Kristus meateno we Filipi, poowa-owaomu dua bhe neangkaꞌindo bhe umondofaono umati.

Filipi 1:27

Ampamo kaowu, kodadimiu tabeano naposahataa bhe wambano Bhihita Metaano Kristus. Ane nada anaꞌa, naetaa amai amohakoomu toha, naetaa pae amai ametingke kaowu bhihitamiu, tetewei amandeꞌaane putae notangkamo kofindamiu, sepatudhuomu, sekakolaloomu poewangiomu so kaparasaea ne Bhihita Metaa.

Kolose 1:2

Apakatue so hintimiu bhahitieꞌiku, umati mongkilono Lahataꞌala we Kolose, motangkano kaparasaea ne Kristus. Sio-siomo kabarakati bhe katohopono dadi maiꞌao ne Lahataꞌala Amantoomu sadhia napobhaiangkoomu.

1 Tesalonika 2:2

Ingka pandeꞌaaneomu dua miinaꞌo tamai te hintimiu, padamo dofodee-dee bhe dofompina-mpina kainsami we Filipi. Tamaka bhe katulumino Lahataꞌalantoomu, insaodi taokado taowaangkoomu Bhihita Metaa maiꞌaono ne Lahataꞌala, mahingga dobhahi mewangi kainsami.

1 Timotius 1:18

Timotius anaku, taka aini aposahunaꞌaane ne hintu, aangkafi kaowilino Lahataꞌala nefosampendo ana-anabii weo umati dopulaoꞌao hintu. Kaowili aini somo katangkaꞌaomu weo poewangiꞌamu potunduꞌao metaaꞌano.

1 Timotius 6:12

Uleiꞌe lalomu weo dadimu peda seemie sarani metaano, tapedamo pogolono, neanomo moolie dadi sakotuꞌuno ampa suhue dhamani. Ingka ainimo katibhasiꞌamu ne Lahataꞌala, wakutuuno kosuahaane ne wiseno umati putae parasaeamo mpuu ne Kristus bhe dobhahi sumakusiiangko.

2 Timotius 1:13

Fintahakie sabhaha nefetingkemu ne idi, sandahanomo kafoinaꞌu metaa. Dhalangie weo kaparasaeamu bhe kanini kaasimu hampano kaseꞌisemu bhe Kristus Yesus.

Titus 1:4

Titus, hintu anaku mpuu, kapaꞌamo intaodi saneamo marasaeano ne Kristus. Sio-siomo sadhia napobhaiangko kanini kaasi bhe katohopono dadi maiꞌao ne Lahataꞌala Amantoomu bhe Kristus Yesus Mosalamati kaita.

Ibrani 13:22

Bhahitieꞌiku, aesalo mpuu sabahakieꞌomu sabhaha wambano katangahi ini, kapaꞌamo suha nebuhiku ini ingka miina naewantaa.

Ibrani 6:9

Bhahitieꞌiku timoasiꞌaono! Mahinggamo tapugau peda naꞌa, insaodi taparasaea mpuu padamo metahimaomu sabhaha metaaꞌano noliuꞌe ⸤ wite saꞌituini⸥ . Nepulaoꞌaoku kabarakati pokaiꞌano bhe kasalamatiꞌamiu.

1 Petrus 5:12

Abuhiangkoomu suha aini notulumi kanau Silwanus, anoa ini akonae dua seemie bhahitientoomu kumampuu-mpuuno weo kaparasaea. Suha aini miina naewantaa, patudhuku amekamatangka kaparasaeamiu bhe aefeꞌulaiangkoomu putae nebuhiku ini kotu-kotuꞌu nefosampe rahamati maiꞌao ne Lahataꞌala. Fintahakieꞌomu sepaliꞌa!

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

2 Petrus 2:21

Mie medando naꞌa sakotuꞌuno netaamo paise sepaliꞌa damandeꞌao kaangkaꞌano kabanara, bhe damandeꞌaane maka dokukundo pahinta mongkilo nefosampe ne andoa naꞌa.

Yudas 1:1

Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Yudas 1:17

Tamaka hintimiu bhahitieꞌiku timoasiꞌaono, feꞌulaiꞌeomu wambado rasuluꞌino Ompuntoomu Yesus Kristus.

Yudas 1:20

Tamaka hintimiu, bhahitieꞌiku timoasiꞌaono, potulu-tulumiomu so nodhulu kamatangkaꞌao kaparasaeamiu ne Yesus Kristus; kaparasaeamiu itu nongkilo mpuu. Sambaheaꞌomu weo kuasano Rohino Lahataꞌala.

Powoha 12:11

Anoa dotaloane heano Anano Dhumba bhe pugau nesakusiiꞌaondo. Andoa miina daooloanea inawando, dohelasi domate.

Powoha 2:10

Koise moteꞌia ne kakadee-dee so neꞌawamiu! Tandaiꞌe, Kafeompuꞌando seetani naꞌumohofi seemie hodua ne olotamiu itu weo katohongku patudhuno nasumobakoomu, maka meꞌawaomu kasabha naompuluꞌa. Fintahakieꞌomu mpuu kaparasaeamiu mahingga mewisekiomu mate, maka amaꞌangkoomu dadi suhue dhamani mbali kawaꞌaondo fotalono.