Yudas 1:1 - Muna Southern Dialect

¹ Suha aini nomaiꞌao ne Yudas, palima-limano Yesus Kristus bhe bhahitieno Yakobus. Suha aini abuhie so kosasawindo mie nepili bhe nemoasiꞌaono Lahataꞌala Amantoomu bhe nedambaꞌao so Yesus Kristus.

Yudas 1:1 Iomraidhean Croise

Matius 10:3

Maka Filipus bhe Bartolomeus, Tomas bhe Matius mealano sewa, Yakobus anano Alfeus bhe Tadeus.

Matius 13:55

Ingka anoa ini anano tuka. Inano ingka Maria bhe bhahitieꞌino ndo Yakobus, Yusuf, Simon bhe Yudas.

Markus 3:18

Andreas, Filipus, Bartolomeus, Matius, Tomas, Yakobus anano Alfeus, Tadeus, Simon miendo Zelot,

Markus 6:3

Ingka Anoa ini o tuka, anano Maria, bhahitieꞌino ndo Yakobus, Yoses, Yudas bhe Simon. Bhahitieꞌino hobhine deate dua ne ini.” Sampe nondidikiane lalondo.

Lukas 6:16

Yudas anano Yakobus bhe Yudas Iskariot. Yudas Iskariot ini hato pandano nembalimo mowano Yesus ne limano kaewa.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 14:22

Yudas (tamaka suano Yudas Iskariot) nofeenamo ambano, “Waompu, noafa bhahaa motiwohaꞌao Wutomu ne insaodi, suano ne dhunia?”

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 17:15

Idi miina aesalo malada maiꞌao ne dhunia ini, tamaka dhumaganida ne kuasa modai.

Yohanes 17:17

Gaatidamo dembaliꞌao fehebuaꞌamu mongkilono. Fofekangkilono naꞌa ⸤ kafoinaꞌuno⸥ kabanara. Ingka bhoasaomu itu o kabanara.

Yohanes 17:19

Somo andoa afotawakala Wutoku ne Hintu, neanomo andoa daeꞌawa kabanara, maka damotawakala dua wutondo ne Hintu, daembali fehebuaꞌamu mongkilono.

Yohanes 6:39

Kapoindalono Tumudu kanau peda aini, kosasawindo newaꞌaono ne Idi paise bhe so tiuluꞌano, tamaka amodadida ne Oleono Kiama.

Tula-tulando rasulu 1:13

Sahatondo we kota, dokalamo se lambu kabutuꞌando maka dofoni te boloku te wawo. Andoa ini ndo Petrus bhe Yohanes, Yakobus bhe Andreas, Filipus bhe Tomas, Bartolomeus bhe Matius, Yakobus anano Alfeus, bhe Simon miendo Zelot bhe Yudas anano Yakobus.

Tula-tulando rasulu 20:32

Aitu afopuliemo ne Ompu somo dumambaꞌaangkoomu, neanomo sadaa-daa mintahakieꞌomu bhihitano rahamatino. Lahataꞌala nokokuasa namekatangka kaparasaeamiu bhe nadumawuangkoomu sabhaha kadawu nefotantuno so mie nefekangkilono.

Tula-tulando rasulu 27:23

Kapugauꞌaku peda aini, mbaꞌinomo mohondo nomaiꞌi kanau malaꞌekatino Lahataꞌala nesombaiku, Lahataꞌalamo ini kohaku kanau. Malaꞌekati naꞌa neehe-ehe ne sohihiku maka nopugau ambano,

Roma 1:1

Suha aini nomaiꞌao ne idi, Paulus, palima-limano Kristus Yesus. Idi nobhasi kanau Lahataꞌala aembali rasulu bhe nofekopuꞌuni kanau aefolele Bhihita Metaa maiꞌao ne Lahataꞌala.

Roma 1:6

Nepulaoꞌaoku sabhaha bansano liwu, ingka nopesuamo dua hintimiu ⸤ miendo Roma⸥ . Hintimiu nobhasikomoomu Lahataꞌala seꞌiseomu bhe Yesus Kristus.

Roma 16:18

Kapaꞌamo mie pedando itu miina dameompu ne Kristus, Ompuntoomu, tamaka dofeompu kaowu ne iꞌino handado. Pugaundo nokesa, wambado nomeko, tamaka debhohe-bhoheꞌi kaowu mie kaangka-angkano.

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Roma 8:30

Mie toka nepilino Lahataꞌala mpini kabhao-bhaono, andoamo dua nebhasino. Mie toka nebhasino maitu andoamo dua netahimano peda mie banara. Mie toka netahimano peda mie banara maitu, andoamo dua ⸤ so⸥ metahimano kakalabhiano Lahataꞌala.

Roma 9:24

Ingka intaodimoomu ini, mie nebhasino suano kaowu maiꞌao ne miendo Yahudi, tamaka maiꞌao ne bansano liwu sigaoꞌano dua.

1 Korintus 1:2

Suha aini so hintimiu umatino Lahataꞌala we Korintus, umati nefekopuuni so Lahataꞌala weo kaseꞌise bhe Kristus Yesus. Nobhasikoomu membaliomu umati mongkilono poowa-owaomu bhe sabhaha mie metondalano ne Ompuntoomu Yesus Kristus ne amai maka dua. Anoamo Ompundo bhe Ompuntoomu dua.

1 Korintus 6:11

Ingka seemie hodua ne hintimiu dohabu dua peda anaꞌa endefiꞌini, tamaka ampa aitu padamo dofekanggelaꞌikoomu, padamo dofekangkilokoomu, padamo dua dopometaaꞌangkoomu bhe Lahataꞌala, noangka ne Ompu Yesus Kristus bhe Rohino Lahataꞌalantoomu.

Efesus 5:26

Kristus nohabu peda naꞌa so namekangkiloꞌao umatino. Dhosando padamo nofekanggelaanda kakadiu sarani bhe bhoasaono.

1 Tesalonika 2:12

Maꞌanano tatangahikoomu, tafekatangka lalomiu, pakade taesalo mpuu dumadiomu naposahataa bhe kapoindalono Lahataꞌala. Kapaꞌamo Lahataꞌala nosaliꞌikoomu mesuaꞌomu weo Kafopahintaꞌano kumalabhiano.

1 Tesalonika 5:23

Sio-siomo wutono Lahataꞌala fowaꞌaono katohopono dadi, namekangkilo lalomiu ampa naongkilo mpuu. Sio-siomo rohi, alusu bhe mbadhamiu nadhumaganie mpuu Lahataꞌala keana nokodengo-dengo ne oleo kahatoꞌano Yesus Kristus Ompuntoomu.

2 Timotius 1:9

Anoamo mosalamati kaita, Anoamo dua bhasi kaita so dadumadi mongkiloꞌao. Katifosalamatiꞌantoomu suano mbaꞌinomo habu metaantoomu, tamaka nengkoha ne patudhu bhe rahamatino Wutono. Rahamati aini nowaꞌa kaitae noangka ne Kristus Yesus, mpini miinaꞌo natifokonandoo dhunia.

2 Timotius 4:18

Daanumo Ompu namosalamati kanau maiꞌao ne sabhaha patudhu modai. Anoa namowa kanau asumalamati amesua weo kafopahintaꞌano te surugaa. Nopantasi mpuu damosibhala Lahataꞌala ampa suhue dhamani! Amin.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

Yakobus 1:1

Salam maiꞌao ne idi, Yakobus, palima-limano Lahataꞌala bhe Ompu Yesus Kristus. Suha aini apakatue so miendo Yahudi ompulu haa sampuꞌano meateno we koliwuno.

1 Petrus 1:2

Hintimiu dopilikoomu mbali umatino nopoangkafi bhe patudhuno Lahataꞌala Amantoomu mpini kabhao-bhaono. Hampano kahadhaano Rohino Lahataꞌala, membalimoomu umatino mongkilono, neanomo meangkaomu ne Yesus Kristus bhe dhosamiu natiꞌamponi mbaꞌinomo tuhuno heano Kristus. Sio-siomo sadhia namaꞌangkoomu kabarakati bhe katohopono dadi pontalabhi-labhino.

1 Petrus 1:5

Hampano kaparasaeamiu, Lahataꞌala nodhaganikoomu weo kuasano, neanomo meꞌawaomu kasalamati kumantaa-ntaaꞌano so nefekoꞌulaino ne pandano dhamani.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

1 Petrus 5:10

Tamaka Lahataꞌala kamaiꞌaoꞌano sabhaha rahamati, Anoamo bhasikoomu so mealaomu dawu weo kakalabhia suhue dhamani bhe Kristus. Dadiꞌanomo namada kumadee-deeꞌomu sebantaha, Lahataꞌala namosangkamo dadimiu, namoehekoomu, namekaꞌosakoomu bhe namekamatangka kofindamiu.

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

Yudas 1:21

Dhaganiomu wutomiu weo kanini kaasino Lahataꞌala poowa ntaa-ntaaꞌomu oleono Ompuntoomu Yesus Kristus, so fowaꞌaono rahamatino, o dadi suhue dhamani.

Yudas 1:3

Bhahitieꞌiku timoasiꞌaono! Apatudhu mpuu aebuhiangkoomu suha apuga-pugauꞌao kasalamati toka neꞌawantoomu. Tamaka aitu anamisie nofaraluu atumangahikoomu ne suha aini, so umuleiꞌomu lalomiu potunduꞌao kaparasaeamiu toka newaꞌaono Lahataꞌala ne umatino mongkilono.