Yohanes 9:39 - Muna Southern Dialect

³⁹ Ambano Yesus, “Kahatoꞌaku we dhunia ini so afobhotusiꞌao, neanomo sasuka tapa mohano nafowoha, sasuka fowohano naobunto.”

Yohanes 9:39 Iomraidhean Croise

Matius 11:5

Kabunto suli dofowoha, mie kalu dekala-kala, kokuli modaino donggela, kapongke dofofetingke, mie mate suli dodadi bhe mie ngkumaasi-asi defebhihitaianda Bhihita Metaa.

Matius 15:14

Koemo heruandaomua. Andoa itu kabunto metondano dua kabunto. Ane kabunto netonda kabunto, kohoduando tetewei daondawu weo ola.”

Matius 6:23

Ane nodai matamu, nohohondomo dua mbadhamu. Dadiꞌanomo ane tilanga we lalomu nohohondomo, notolau sepaliꞌa kahohondono!

Lukas 1:79

naꞌumulawi mie dumadino weo kahohondo bhe mewisekino mate. Anoamo so tumonda kaita ne kaangkaꞌa humopeꞌano ne katohopono dadi.”

Lukas 13:30

Kotu-kotuꞌu dabhahi mie mbuhumaino sumuli damaꞌindulu, maꞌinduluno sumuli dambuhumai.”

Lukas 2:34

Pada anaꞌa Simeon nobarakatidamo bhe nopugau ne Maria inano anaꞌi anaꞌa ambano, “Kotu-kotuꞌu anaꞌi aini nofotantuemo Lahataꞌala so miendo Israel bhahino, sigaꞌa namobinasada, sigaꞌa namosalamatida. Anoa somo katandai maiꞌao ne Lahataꞌala, somo dapotaga-tagaliꞌao mie bhahi.

Lukas 4:18

“Rohino Ompu nokabhinti kanau, mbaꞌinomo padamo nosangke kanau so amosampeꞌao Bhihita Metaa ne mie ngkumaasi-asino. Anoa notudu kanaumo aefolele bhihita putae mie netohongku damobebasida, o kabunto sumuli dafowoha. Notudu kanau dua amobebasi mie nefompina-mpina,

Lukas 7:21

Wakutuu anaꞌa dobhahi mie nefekaꞌosano Yesus nomaiꞌao ne sabhaha saki bhe kakadee-dee. Nobhahi dua seetani nefolimbano bhe kabunto nefowulano matando sampe dofowoha.

Yohanes 12:31

Aitu nohatomo tempono o dhunia dabhitahakiemo, aitu dua Mowano Dhunia ⸤ maꞌanano Kafeompuꞌando seetani⸥ dakumabhambie we simbali.

Yohanes 12:46

Kahatoꞌaku ne dhunia ini aembali tilanga, neanomo sasuka marasaeano ne Idi paise naeate weo kahohondo.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 3:19

Kahukumu anaꞌa peda ini: o tilanga nohatomo we dhunia, tamaka manusia dopoindalo kahohondo bhe tilangaa, kapaꞌamo nodai podiundo.

Yohanes 8:12

Nopugaumo dua Yesus ne mie bhahi ambano, “Idimo ini tilangano dhunia, sasuka mangkafi kanau paise naekala-kala weo kahohondo, tamaka naeꞌawa tilanga meowano dadi.”

Yohanes 8:15

Hintimiu mebhotusiomu ampa pomatando manusia, Idi miina akonibhotusia maumo seemie.

Yohanes 9:25

Notobhoosimo ambano, “Bhahaa mie amaitu mie kodhosa miina amandeꞌaanea, nepandeꞌaoku sehonda kaowu, saꞌituini aobunto, aitu afowohamo.”

Tula-tulando rasulu 26:18

so molosaꞌao matando, neanomo dahumunsamo kahohondo maka damesua we mentaleaꞌano, damaiꞌao ne kuasano Kafeompuꞌando seetani dadumoli ne Lahataꞌala. Neanomo dua dhosando natiꞌamponi hampano kaparasaeando ne Idi, pakade daeꞌawa dawua nefotantuno Lahataꞌala so mie mongkilo.’

2 Korintus 2:16

Mbali mie so binasano insaodi ini tapedamo wonono bhangke meowano mate, tamaka mbali mie sumalamatino tapedamo wono mowondu meowano dadi. Kaowu laꞌae bhahaa so moolino taka bhalano pedando inia?

Efesus 5:14

Kapaꞌamo bhahi-bhahiꞌae tiwohaꞌano, tantumo nentalea. Kanandooꞌanomo dokowambaane peda aini, “Wanumo hintu moodono, wanumo maiꞌao ne mate, maka naꞌumulawiko tilangano Kristus.”

2 Tesalonika 2:10

Anoa naepake sabhaha akala modai so naefekakolilinoꞌao totono lalondo manusia so binasano. So kabinasaꞌando mbaꞌinomo miina datumahima bhe miina daoasiꞌao kabanara so mosalamatida.

1 Petrus 2:9

Tamaka hintimiu bansano liwu tipilino, imamu meompuno ne Omputo, bansano liwu mongkilono, umati fehebuaꞌano wutono Lahataꞌala. Lahataꞌala nopilikoomu bhe nobhasikoomu maiꞌao weo kahohondo pesuaꞌomu weo kantalea kumalabhiano, neanomo moleleeꞌomu sabhaha habuno timenteꞌaono.

1 Yohanes 2:11

Tamaka mie bansino bhahitieno, neate weo kahohondo bhe nekala-kala weo kahohondo. Anoa miina namandeꞌaanea bhahaꞌi nohope ne amai, hampano miinamo napomboha-mbohaa.