Yohanes 9:34 - Muna Southern Dialect

³⁴ Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.

Yohanes 9:34 Iomraidhean Croise

Lukas 11:45

Seemie pande Kitabi notobhoosimo ambano, “Guru, pugau peda naꞌa ingka fekaꞌaebumo dua bhe insaodi.”

Lukas 14:11

Kapaꞌamo sasuka mekalangkeno wutono namekapandae Ompu, sasuka mekapandano wutono namekalangkee.”

Lukas 18:17

Amohatokoomu, kotu-kotuꞌu ane pae datumahima Lahataꞌala so mahintangino dadindo nameda anaꞌi kahobu, pae naembalia damesua weo Kafopahintaꞌano Lahataꞌala.”

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 8:41

Hintimiu habuomu kahadhaano amamiu wutomiu.” Dotobhoosimo ambado, “Insaodi ini suano bulea. Ama mani seemie-mieno, Wutono Lahataꞌala.”

Yohanes 9:2

Anaguhuꞌino dofeenaemo ambado, “Guru, laꞌae bhahaa kodhosano sampe mie aini nobunto mpini pakalenteno, wutono kaa kamungkulano?”

Yohanes 9:22

Kapugauꞌando kamungkulano peda maitu doteꞌi miendo Yahudi, kapaꞌamo miendo Yahudi domafakaanemo sasuka kumonano Yesus maitu Mesias Omputo Fosalamatino, daꞌumeleꞌaanda damesua weo lambu kasambaheaꞌa.

Yohanes 9:35

Nofetingke kaowu mie anaꞌa dogihasiemo, Yesus nokalamo noꞌondofie. Nopoꞌawaane kaowu nopugaumo ambano, “Parasaea bhahaa ne Anano Manusia?”

Yohanes 9:40

Pugauno Yesus naꞌa dofetingkee dua seemie hodua miendo Farisi ne itu. Dofeenamo ne Yesus ambado, “Patudhumu insaodi taobunto dua gahaꞌa?”

1 Korintus 5:13

Mie we simbalino umati nabhitahakida wutono Lahataꞌala. ⸤ Weo Kitabi notibuhi,⸥ “Ambaeꞌomu mie modai ne olotamiu itu!”

Galatia 2:15

Insaodi ini miendo Yahudi, kapaꞌamo talente tamaiꞌao ne miendo Yahudi. Insaodi ini suano mie kodhosa maiꞌaono ne bansano liwu suano Yahudi.

Efesus 2:3

Sakotuꞌuno endefiꞌini kosasawintoomu nopototo dua bhe andoa; dodadi doangkafi nafusuu bhe kapoindalono mbadha bhe fekihi modai. Sakotuꞌuno nopantasi mpuu Lahataꞌala nafoꞌamahaki, peda dua andoa maitu.

1 Petrus 5:5

Pedamo dua hintimiu kahangku dadi, tuhuomu ne kamungkulaꞌi. Kosasawimiu itu fekapandae diumiu seemieno bhe seemieno, kapaꞌamo ⸤ notibuhi weo Kitabi peda aini⸥ , “Lahataꞌala noꞌontomi patudhundo mie melangkeno diu, tamaka nofotiwohaanda kataano lalono ne mie mekapandano wutono.”

3 Yohanes 1:10

Dadiꞌanomo ane amai kaowu, atumalesaane sabhaha habu modaino bhe wamba kabuangkano nopulaoꞌao insaodi. Bhahi-bhahiꞌae ini miinaꞌo dua natumumpuane lalono, sampe nokiido natumahima bhahitieꞌi mengkahatono. Suano kaowu taꞌo anaꞌa, bhahamoa umati dua sigaoꞌano noꞌeleꞌaanda datumahima bhahitieꞌi mengkahato maitu. Ane miina damangkafie, nofogampida maiꞌao ne kaseꞌisendo umati.

3 Yohanes 1:9

Ingka padamo aebuhi suha seendai so umati ne itu, tamaka Diotrefes miina napokihaꞌianea kalentuku, kapaꞌamo gaono naembali neangkando umati.

Powoha 13:17

Bhe naseemie miina bhe membalino poꞌoli poasono, mpahinomo andoa mepakeno katandano, mepakeno neano kadadi amaitu tawa mepakeno kaꞌeapi komaꞌanaꞌaono neano.