Yohanes 9:29 - Muna Southern Dialect

²⁹ Tapandeꞌaane, Lahataꞌala padamo nokobhoasao ne anabii Musa, tamaka mie anaꞌa, miina tamandeꞌaanea bhahaꞌi nomaiꞌao ne amai.”

Yohanes 9:29 Iomraidhean Croise

Matius 12:24

Tamaka dofetingke amaitu, miendo Farisi dopugaumo ambado, “Kaembaliꞌano mie aini nefolimba seetani hampano nopake kuasano Beelsebul, Kafeompuꞌando seetani.”

Matius 26:61

ambado, “Mie aini nopugau namondoiꞌe nahumungga Lambuno Lahataꞌala, maka ne katolu oleono namooliemo dua namoehee.”

Lukas 23:2

Dohato dosangkatiemo ambado, “Tahatofie mie aini nefekakolilino raꞌeati mani, pakade noꞌeleꞌa kainsami tatumanduao sewa ne Omputo Kaisar. Anoa nokona dua wutono Kristus, maꞌanano Omputo Fosalamatino.”

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 7:27

Tamaka mie aini dopandeꞌaane kamaiꞌaoꞌano. Gahaꞌaitu ane nahumato Mesias, bhe naseemie pae bhe so mandeꞌaane kamaiꞌaoꞌano.”

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Yohanes 9:24

Pada amaitu fenduamo dua dobhasi kabunto saꞌituini maka dopugauane ambado, “Pugau kumotuꞌuꞌano ne wiseno Lahataꞌala, tapandeꞌaane mie amaitu mie kodhosa.”

Yohanes 9:30

Notobhoosimo kabunto saꞌituini ambano, “Ingka amente dua. Kamenteꞌaku miina mandeꞌaaneomu kamaiꞌaoꞌanoa, gahaꞌaitumo padamo nofekantalea mataku.

Tula-tulando rasulu 22:22

Mie bhahi dofetingke pugauno Paulus ampa kaowu ne naꞌa, lasao dokei ambado, “Pongkoemoomu mie anoa itu! Miinamo namantasia nadumadi te wawono dhunia ini!”

Tula-tulando rasulu 26:22

Tamaka notulumi kanau Lahataꞌala sampe nandoo adadi ampa seꞌoleo itu, neanomo naembali asumakusiiꞌao kosasawiꞌae ini, naetaa ne mie ndidiki, naetaa ne mie bhalano. Bhihita nefoleleku ini sakotuꞌuno nopototomo bhe nekosuahaꞌaono anabii Musa bhe ana-anabii sigaoꞌano.

Tula-tulando rasulu 7:35

Musa ini dobansiemo bhe dopugau ambado, ‘Nosangkeko laꞌae gahaꞌa membali so neangka bhe so bhitahaki kainsami?’ Tamaka ingka Musamo dua ini netuduno Ompu Lahataꞌala nembali so neangka bhe so fosalamatino, weo katulumino malaꞌekati motiwohano wutono ne polompuno kahoku kokihi.

Ibrani 1:1

Ne dhamani wawono Lahataꞌala nofendu-fenduaꞌe nokobhoasao ne awuaꞌintoomu noangka ne ana-anabii nepake sabhaha dhala.

Ibrani 1:2

Ne pandano dhamani ini Lahataꞌala nokobhoasao ne intaodiomu noangkamo ne Anano. Anoamo toka nefotantuno mbali kohakuꞌaono bhahi-bhahiꞌae ndumandooꞌano. Noangkamo dua ne Anano ini, Lahataꞌala nofokonandoo alamu bhalano.