Yohanes 8:42 - Muna Southern Dialect

⁴² Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Yohanes 8:42 Iomraidhean Croise

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 14:10

Bhahaa miina marasaeaꞌa, Idi aseꞌise bhe Amaku bhe Amaku noseꞌise bhe Idi? Wambaku ne hintimiu miina namaiꞌao ne Wutoku, tamaka Amaku seꞌiseno bhe Idi, Anoamo humabuno kahadhaano.

Yohanes 16:30

Aitu tapandeꞌaanemo, Hintu pandeꞌaane bhahi-bhahiꞌae. Ingka miinamo namaraluua dameenako. Dadiꞌanomo taparasaeamo Hintu ini maiꞌao ne Lahataꞌala.”

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 17:8

Kapaꞌamo sabhaha wamba kawaꞌaomu ne Idi padamo afosampeandae bhe dotahimae. Aitu kotu-kotuꞌu dopandeꞌaanemo Idi ini amaiꞌao ne Hintu, doparasaeamo dua Hintumo tumudu kanau.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 5:43

Amai weo kuasano Amaku, gahaꞌa miina tumahima kanauꞌomu, tamaka mie sigaoꞌano domai weo kuasando wutondo, ingka tahimadaomu.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

1 Korintus 16:22

Laꞌae pata moasiꞌaono Ompu, nobalaamo! Maranata!

Galatia 4:4

Tamaka nokapo kaowu tempo nefotantuno, Lahataꞌala notudumo Anano nomai we dhunia ini. Anano Lahataꞌala ini nofolentee seemie hobhine, nodadi noangkafi tubhono agama Yahudi.

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,