Yohanes 8:37 - Muna Southern Dialect

³⁷ “Apandeꞌaane hintimiu sampuꞌano Abraham, tamaka kopatudhu mongko kanauꞌomu hampano wambaku miina tumahimaeꞌomu weo totono lalomiu.

Yohanes 8:37 Iomraidhean Croise

Matius 13:15

Kapaꞌamo totono lalondo mie andoa ini nofekontumo, tingalando nopoꞌopimo, matando nopilomo. Kanandooꞌano peda anaꞌa keana dofowohaꞌao matando, keana dofofetingkeꞌao tingalando, keana dua dolosangiꞌao totono lalondo, bhaha sala dodoli se idi maka amekaꞌosada.’

Matius 3:9

Koise nokofekihi we lalomiu, ‘Ingka insaodi ini sampuꞌano Abraham, ⸤ tetewei tasumalamati⸥ ’. Kapaꞌamo Lahataꞌala nokokuasa naefokonandoo sampuꞌano Abraham mahinggamo namaiꞌao ne kontu ini.

Yohanes 10:31

Miendo Yahudi desangkemo toha kontu dabhatuhi Yesus.

Yohanes 11:53

Notanda oleo aitu andoa dosikoo-koomo damongko Yesus.

Yohanes 5:44

Hintimiu gaomiu damosibhalakoomu mie bhaimiu, miina meꞌondofiomu kafosibhala maiꞌao ne Kaseemie-mieꞌano. Dadiꞌanomo, nada amai marasaeaꞌomu gahaꞌa?

Yohanes 7:1

Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Yohanes 7:19

Ingka anabii Musa nowaꞌangkoomu tubhono agama, tamaka ne olotamiu itu bhe naseemie miina bhe dhumalangie. Noafa bhahaa kopatudhuꞌao mongko kanauꞌomu?”

Yohanes 7:25

Tangasano peda maitu seemie hodua miendo Yerusalem dopugau ambado, “Ingka anoamo ini mie neꞌondofindo so damongko?

Yohanes 8:33

Ambado, “Insaodi ini ingka sampuꞌano Abraham, pakade miinaꞌo sepaliꞌa taembali bhatuando mie. Noafaꞌao dua pugauꞌao putae insaodi damobebasi kainsami?”

Yohanes 8:43

Noafa bhahaa miina lumosangianeomu wambaku? Ingka mbaꞌinomo mokiidoomu metingkeomu pugauku.

Yohanes 8:56

Weo dadino, amamiu Abraham nowula lalono naembali namoha oleo kahatoꞌaku, ingka daanumo nowohaemo bhe noꞌia sepaliꞌa lalono.”

Yohanes 8:59

Miendo Yahudi lasao deꞌenepi kontu dabhatumbue, tamaka Yesus nekaꞌuko maka nekalisu nohunsamo Lambuno Lahataꞌala.

Yohanes 8:6

Kafeenando maitu mbali kaowu damansoꞌalaiꞌao Yesus, bhahaꞌi kaowu daewoha tingku damoꞌalae. Gahaꞌa Yesus tanolongko maka nebuhi-buhiꞌao wunano limano ne wite.

Tula-tulando rasulu 13:26

Bhahitieꞌiku, naetaa sampuꞌano Abraham naetaa sigaoꞌano moteꞌino ne Lahataꞌala, bhihita kasalamatiꞌa ini padamo dofofohatoane.

Roma 9:7

Pedamo dua suano kosasawindo anano Abraham, kotu-kotuꞌu notilentu sampuꞌano Abraham. ⸤ Kapaꞌamo weo Kitabi notibuhi peda aini,⸥ “Ampamo anaꞌino Ishak tilentuno sampuꞌamu.”

1 Korintus 2:14

Mie tapa mandeꞌaono Lahataꞌala nokiido natumahima sabhaha maiꞌaono ne Rohino Lahataꞌala, nokonaemo sanea bhohe. Daanumo miina bhe kapoolinoa nalumosangie, hampano sabhaha maiꞌaono ne Rohino Lahataꞌala naꞌa kaneꞌo dolosangie fahalaano ane dotiisangie noangka ne Rohino Lahataꞌala.

1 Yohanes 2:14

Hintimiu membalino anaꞌi, aebuhiangkoomu hampano pandeꞌaanemoomu Amantoomu. Hintimiu membalino ama, aebuhiangkoomu hampano pandeꞌaanemoomu ndumandoono mpini kabhao-bhaono. Hintimiu kahangku dadi, aebuhiangkoomu hampano moꞌosaomu bhe bhoasaono Lahataꞌala neate weo totono lalomiu bhe taloemoomu Kafeompuꞌando seetani.