Yohanes 8:24 - Muna Southern Dialect

²⁴ Kapugauꞌakumo saꞌituini, ‘Hintimiu mateomu weo dhosamiu’, kapaꞌamo ane pae marasaeaꞌomu Idimo ini nekonando Idi ndumandoono, hintimiu mateomu weo dhosamiu.”

Yohanes 8:24 Iomraidhean Croise

Matius 24:5

Kapaꞌamo dabhahi mie so maino damake neaku bhe dapugau ambado, ‘Idimo ini Mesias’, maka dabhahi mie so tibhohe-bhoheꞌino.

Markus 13:6

Kapaꞌamo mada kaowu dabhahi so maino damake neaku bhe damugau ambado, ‘Idimo ini Mesias’, maka dabhahi sepaliꞌa so tibhohe-bhoheꞌino.

Markus 16:16

Ane damarasaea bhe dakumadiuda, dasumalamati; tamaka ane pae damarasaea daeꞌawa kahukumu.

Lukas 21:8

Ambano Yesus, “Kodhagaomu, bhahasaa dofokolilino totono lalomiu. Kapaꞌamo dobhahi mie so maino damake neaku bhe dapugau, ‘Idimo ini Mesias, tempono nomaꞌomo.’ Koise angkafidaomua.

Yohanes 13:19

Aini afohatoangkoeꞌomu tinangke miinaꞌo nakumadhadhia, neanomo humato nakumadhadhia, marasaeamoomu putae Idimo ini nekonando Idi ndumandoono.

Yohanes 3:18

Sasuka marasaeano ne Anoa paise naeꞌawa kahukumu, sasuka tapa marasaeano neꞌawamo kahukumu, mbaꞌinomo miina namarasaea ne Anano Kaenseemieno Lahataꞌala.

Yohanes 3:36

Sasuka marasaeano ne Anano Lahataꞌala neꞌawamo dadi suhue dhamani; sasuka kumiidono marasaeano ne Anano Lahataꞌala paise nanumamisi dadi amaitu, tamaka amahano Lahataꞌala naeate te ntanabubuno.

Yohanes 4:26

Ambano Yesus, “Ingka Idimo ini, muga-mugaunomo bhe hintu ini.”

Yohanes 8:21

Yesus nopugaumo toha ne mie bhahi ambano, “Mada kaowu akumala, hintimiu umondofi kanauꞌomu tamaka tamomateomu weo dhosamiu, paise mooliomua maiꞌomu we kakalaꞌaku.”

Yohanes 8:25

Ambado dua, “Laꞌae gahaꞌa hintu itu?” Notobhoosimo Yesus, “O ae fahalaano apugau bhe hintimiu?

Yohanes 8:28

Ambano Yesus, “Mada kaowu sumangkeomu Anano Manusia te melangkeꞌano, kaneꞌomo mandeꞌaaneomu Idimo ini nekonando idi ndumandoono. Mandeꞌaanemoomu dua Idi ini miina akonihabu aeala kapooli ne Wutoku, tamaka apugauꞌao sabhaha nefoinaꞌuꞌaono Amaku ne Idi.

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

Tula-tulando rasulu 4:12

Ampamo kaowu Yesus fosalamatino, kapaꞌamo te dhunia ini we simbalino Anoa bhe naseemie miina bhe meꞌawano kuasa maiꞌaono ne Lahataꞌala so nafofosalamatiꞌao.”

Ibrani 12:25

Dadiꞌanomo posiꞌondoomu, koe sampe mokiido metingkeomu kobhoasaono itu. Ane mie tapa metingkeno meowano bhihitano Lahataꞌala ne dhunia, miina damooli dalumapaa ne kahukumu, bhemo toha intaodiomu metingkeno kobhoasaono maiꞌaono te surugaa. Ane dokiido dametingkeeꞌomu, ingka tetewei paise dalumapaomu ne kahukumu.

Ibrani 2:3

⸤ Ane pedamo anaꞌa endefiꞌini, bhemo toha haꞌoleo ini.⸥ Nada amai dalumapa ne kahukumu gahaꞌa ane pae dapokihaꞌiao kasalamati bhalano maitu? Kapaꞌamo kasalamati amaitu kabhao-bhaono nofolelee wutono Ompu, maka mie metingkee padamo dosakusiiane kakotuꞌuno ne intaodiomu.