Yohanes 7:6 - Muna Southern Dialect

⁶ Yesus notobhoosida ambano, “Tempoku miinaꞌo nahumatoa, nopoꞌala bhe hintimiu sadhia bhe kasalawamiu.

Yohanes 7:6 Iomraidhean Croise

Matius 26:18

Notobhoosimo Yesus ambano, “Kalaomu we kota maka fohatoomu mie popandeꞌaku, putae ambano guru, ‘Tempoku nomaꞌomo nahumatoa, gaoku apoharoaꞌao Paska bhe anaguhuꞌiku we lambumu.’ ”

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 17:1

Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Yohanes 2:4

Ambano Yesus, “Noafa pugauꞌao ne Idi, ina? Ingka miinaꞌo nahumatoa tempoku.”

Yohanes 7:30

Ne naꞌa o mie dokopatudhu dahumakoe, tamaka bhe naseemie miina bhe dumingkue, hampano miinaꞌo nahumato tempono.

Yohanes 7:8

Kalamoomu hintimiu we hohaeaꞌa naꞌa, Idi pae akumalaa, hampano tempoku miinaꞌo nahumatoa.”

Yohanes 8:20

Kosasawiꞌae naꞌa nopugauane Yesus wakutuuno nofofoinaꞌu weo Lambuno Lahataꞌala ne owano sohongano sadhakaa. Tamaka bhe seemie miina bhe humakoe hampano miinaꞌo nahumato tempono.

Tula-tulando rasulu 1:7

Notobhoosimo Yesus, “Hintimiu miina namaraluua mandeꞌaaneomua oleo bhe tempo nefotantuno Amaku, kapaꞌamo anaꞌa kuasano Wutono.