Yohanes 7:37 - Muna Southern Dialect

³⁷ Ne oleo kapuliaono hohaeaꞌa naꞌa, matanomo hohaeaꞌa, Yesus noehemo bhe nopugau nofekabhala-bhala suahano, “Sasuka mokekeleno wuꞌu naetaa namai ne Idi maka naohoꞌu!

Yohanes 7:37 Iomraidhean Croise

Matius 11:28

Maiꞌomu ne idi, hintimiu mowuleno bhe kowowoꞌo mobhieno, maka amaꞌangkoomu kalalesano lalo.

Matius 3:3

Yohanesmo ini nepulaoꞌaono anabii Yesaya ambano, “Nandoo suaha mekei-keino we pandaso bhalano, ‘Mebhongkaomu kaangkaꞌa so Ompu fekalaaꞌeomu so kaangkaꞌano.’ ”

Matius 5:6

Dokodawua mpuu mokambano lalo ne kabanara, kapaꞌamo Lahataꞌala namaꞌandae nemokambaꞌaondo.

Yohanes 1:23

Ambano Yohanes, “Idimo ini nepulaoꞌaono anabii Yesaya, ‘Nandoo suaha mekei-keino we pandaso bhalano. Fekalaaꞌeomu so kaangkaꞌano Ompu.’ ”

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 4:11

Ambano toha hobhine amaitu, “Waompu, maiane dua ne amai oe meowano dadi naꞌa? Ingka miina kotambua, pakade sumu aini nendalo.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 5:40

Ampamo kaowu hintimiu mokiidoomu maiꞌomu ne Idi so meꞌawaꞌaoꞌomu dadi suhue dhamani maitu.

Yohanes 6:35

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 6:55

Kapaꞌamo dhagiku kotu-kotuꞌu oti nehumaa, heaku kotu-kotuꞌu kafohoꞌu.

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

1 Korintus 10:21

Hintimiu paise naembalia mohoꞌuomu ne kampohoꞌuꞌano Ompu poangka mohoꞌuomu dua ne kampohoꞌuꞌando sabhaha rohi modai. Pedamo dua anaꞌa paise naembalia momaaꞌomu ne medhano Ompu bhe ne medhano sabhaha rohi modai.

1 Korintus 10:4

Kosasawindo dofohoꞌu oe pototoꞌano, sanea oe maiꞌaono te surugaa. Kosasawindo dofohoꞌu oe maiꞌano ne kabhawono dempa pobhaianda; dempa anaꞌa ingka o wutonomo Kristus.

1 Korintus 11:25

Pedamo dua anaꞌa pada dohumaa, nealamo kampohoꞌuꞌa bhe nopugau ambano, “Kampohoꞌuꞌa aini o podhandiꞌa buꞌouno Lahataꞌala bhe manusia, dofekatangkaane tuhuno heaku. Taenomo mohoꞌueꞌomu, habueꞌomu somo kafeꞌu-feꞌulaiku.”

1 Korintus 12:13

Kapaꞌamo Rohino Lahataꞌala padamo nokadiu sarani kosasawintoomu mbalimo sembadha, naetaa miendo Yahudi naetaa miendo Yunani, naetaa o bhatua naetaa mie bebasi, saneamo dua kao-kaomo dofowaꞌao dofohoꞌu ne Rohi anaꞌa.

Efesus 5:18

Koise mololanuomu, kapaꞌamo kalolanu neowa nafusuu fodai-daino, tamaka naetaa umulei lalomiu sadhia nakumabhintikoomu Rohino Lahataꞌala.

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.