Yohanes 7:33 - Muna Southern Dialect

³³ Ambano Yesus, “Paemo naomponaa aeate bhe hintimiua, mada anaꞌa asumulimo te Tumudu kanau.

Yohanes 7:33 Iomraidhean Croise

Markus 16:19

Pada nopugau peda anaꞌa, Ompu Yesus notisangkemo te surugaa maka nengkoha ne suanano Lahataꞌala.

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 13:33

Anaguhuꞌiku, ingka paemo naomponaa aeate bhe hintimiu. Hintimiu umondofi kanauꞌomu. Tamaka pedamo pugauku ne miendo Yahudi, aitu apugauanemo dua ne hintimiu: paise mooliomua maiꞌomu we kakalaꞌaku.

Yohanes 14:12

Amohatokoomu, kotu-kotuꞌu sasuka marasaeano ne Idi namoolie dua nahumabu kahadhaa nehabuku, bhahaa tadua namoliu kanau kabhalano kahadhaano, kapaꞌamo Idi akumalamo ne Amaku.

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 14:28

Ingka padamo fetingkeomu afohatokoomu, ‘Idi akumala, tamaka asumulikikoomu.’ Ane kotu-kotuꞌu moasi kanauꞌomu, tetewei naowula lalomiu akumala te Amaku, kapaꞌamo nofoliu kanau Amaku.

Yohanes 16:10

Namoꞌinsafuanda kabanara, kapaꞌamo Idi asumulimo ne Amaku maka hintimiu paemo moha kanauꞌomu.

Yohanes 16:28

Idi ahato we dhunia amaiꞌao ne Amaku, aitu ahumunsamo dhunia asumuli te Amaku.”

Yohanes 16:5

Tamaka aitu asumulimo te Tumudu kanau, gahaꞌa ne olotamiu itu miina bhe meena kanau bhahaꞌi akumala ne amai.

Yohanes 17:11

Idi paemo aeate we dhunia ini, asumulimo te Hintu, tamaka andoa sadaa-daa we dhunia. O Hintu Amaku mongkilono, dambaꞌaanda weo kuasano neamu, kuasa kawaꞌaomu ne Idi, neanomo andoa daseꞌise nada Intaodi doseꞌise.

Yohanes 17:13

Aitu asumulimo te Hintu. Aekapunaꞌao kosasawiꞌae ini tinangke nandoo kanau we dhunia ini, neanomo andoa dakumabhintida mpuu kawulano laloku.

Yohanes 20:17

Ambano dua Yesus, “Koise dampasi kanaua, kapaꞌamo miinaꞌo akumala te Amaku. Aitu sulimo se bhahitieꞌiku, fohatoda Idi akumalamo te Amaku bhe Amamiu dua, Lahataꞌalaku bhe Lahataꞌalamiu dua.”

Yohanes 9:4

Tinangke nandoo ole-oleo, tetewei dadhumalangiomu kahadhaano Tumudu kanau. Kapaꞌamo naohondo kaowu oleo, ingka bhe naseemie paemo bhe so moolino kumahadhaanoa.