Yohanes 7:31 - Muna Southern Dialect

³¹ Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 7:31 Iomraidhean Croise

Matius 12:23

Kosasawindo mie tadomente, ambado, “Anoamo ini bhahaa nekonando sampuꞌano Daud?”

Lukas 8:13

Mondawuꞌano ne kamoꞌali, maꞌanano mie metingkeno bhoasaono Lahataꞌala naꞌa, lasao dotahimae bhe doꞌiaꞌane, tamaka miina nakopahakaa weo totono lalondo. Doparasaea sebantaha kaowu, sadeꞌawa kasabha dohunsa kaparasaeando kosowo-sowondo.

Yohanes 11:45

Dobhahi miendo Yahudi maino lumawesino Maria doparasaeamo ne Yesus, hampano dowohaꞌao wuntano matando nehabuno maitu.

Yohanes 12:11

kapaꞌamo dobhahi miendo Yahudi dohunsadamo maka doparasaea ne Yesus, hampano Lasarus maitu.

Yohanes 12:42

Mahinggamo peda anaꞌa, dobhahi dua neangkando miendo Yahudi marasaeano ne Yesus. Tamaka miina daokadoa doꞌakui kaparasaeando kapaꞌamo doteꞌi miendo Farisi, bhahaꞌi tadoꞌeleꞌaanda damesua weo lambu kasambaheaꞌa.

Yohanes 2:11

Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 4:29

Ambano “Mai ondoomu, ne tatu nandoo seemie nofohato kanau sabhaha nehabuku. Bhahaa Anoamo maitu Mesias, Omputo Fosalamatino?”

Yohanes 4:39

Dobhahi miendo Samaria maiꞌaono ne kota aitu doparasaeamo ne Yesus hampano pugauno hobhine amaitu peda ini, “Anoa nofohato kanau sabhaha nehabuku.”

Yohanes 6:2

Mie bhahi dobhatompa doangkafie hampano padamo dowoha tanda timenteꞌaono nefekaꞌosa mie mosaki.

Yohanes 7:26

Tamaka ondoomu itu, Anoa tanewasamo nopugau, miina bhe kodiuno. Daesuhui ae neangkaꞌintoomu dopandeꞌaanemo Anoamo ini Mesias Omputo Fosalamatino.

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Tula-tulando rasulu 8:13

Mahingga wutono Simon noparasaea dua. Pada dokadiuꞌe sadhia nopoangkafi bhe Filipus. Nopuli dua menteno nowoha tanda-tanda tapa mentela bhe giu timenteꞌaono nehabuno Filipus.

Yakobus 2:26

Ane o mbadha miinamo nakoinawa, ingka nomatemo. Pedamo dua aitu o kaparasaea, ane miina naseowaꞌa bhe habu, ingka nomatemo.