Yohanes 7:29 - Muna Southern Dialect

²⁹ Tamaka Idi apandeꞌaane, kapaꞌamo amaiꞌao ne Anoa, Anoamo tumudu kanau.”

Yohanes 7:29 Iomraidhean Croise

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Yohanes 1:18

Bhe naseemie miinaꞌo bhe mohano Lahataꞌala, mpahinomo Ana Kaenseemieno. Anoa ini nopototo bhe wutono Lahataꞌala bhe notai mpuu lalono ne Amano. Anoamo ini motiwohae ne intaodiomu.

Yohanes 10:15

Tapedamo Amaku nopandeꞌa kanau, Idi apandeꞌaane dua. Idi ini apotahoꞌao inawaku so dhumbaku.

Yohanes 13:3

Yesus nopandeꞌaane Amano padamo nowaꞌane bhahi-bhahiꞌae kapooli. Nopandeꞌaane dua Anoa nomaiꞌao ne Lahataꞌala maka nasumuli dua ne Lahataꞌala.

Yohanes 17:18

Pedamo Hintu tudu kanau we dhunia, Idi atududamo dua ne dhunia.

Yohanes 6:46

Aini miina nakomaꞌana nandoo mie mohano Amaku. Madano mohano ulano Amaku, mpahinomo Anoa maiꞌaono ne Lahataꞌala.

Yohanes 8:55

Gahaꞌaitumo miina mandeꞌaaneomua, tamaka Idi apandeꞌaane. Ane apugau miina amandeꞌaane ingka akopaha, pedamo dua hintimiu. Tamaka Idi apandeꞌaane bhe aangkafi bhoasaono.

1 Yohanes 1:2

Dadi anaꞌa nofotiwohamo Wutono, insaodimo mohae, kanandooꞌanomo tasakusiiane. Nefohatoꞌao mani ne hintimiu ini, ingka Anoamo dadi suhue dhamani, pobhaino bhe Lahataꞌala, madano motiwohano Wutono ne insaodi.

1 Yohanes 4:14

Insaodi padamo tawoha Anano Lahataꞌala, maka tasakusiiane putae Anoa notudue Amano so Mosalamatino dhunia.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.