Yohanes 7:28 - Muna Southern Dialect

²⁸ Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 7:28 Iomraidhean Croise

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 2:23

Dohato we Galilea deatemo ne seꞌonu kota koneaꞌano Nasaret. Pedamo naꞌa nokoꞌulaꞌao bhoasaono Ompu nefosampendo ana-anabii mulaoꞌaono anaꞌi amaitu, “Anoa dakumonae miendo Nasaret.”

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Lukas 10:22

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.”

Lukas 2:11

Sealo itu we kotano Daud nolentemo so hintimiu Omputo Fosalamatino, Ompu Kristus.

Lukas 2:39

Nopalusi doalaꞌi kosasawiꞌae tutuha maraluuꞌano peda pahintano Ompu, dosulimo we liwu kaeateꞌando, liwuno Nasaret we kadieno Galilea.

Lukas 2:4

Pedamo dua anaꞌa, Yusuf nomaiꞌao we Nasaret we kadieno Galilea nokala we kadieno Yudea, we Betlehem, kota kalenteꞌano omputo Daud, kapaꞌamo anoa lee walaka bhe sampuꞌano Daud.

Lukas 2:51

Pada aitu Yesus nosulimo we Nasaret nopoowa-owa bhe kamungkulano. Ne itu Yesus sadhia neangka ne kamungkulano. Inano tanofekataa sabhaha kadhadhia amaitu weo totono lalono.

Yohanes 1:46

Ambano Natanael, “Nandoo dua gahaꞌa metaaꞌano maiꞌaono we Nasaret?” Ambano Filipus, “Mai, wohaꞌao wutomu!”

Yohanes 10:36

noafaꞌao dua ambamiu afekaꞌaebu Lahataꞌala mbaꞌinomo akona wutoku Anano Lahataꞌala? Gahaꞌaitumo Idimo nefopoolino Amaku bhe netuduno we dhunia ini.

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Yohanes 14:10

Bhahaa miina marasaeaꞌa, Idi aseꞌise bhe Amaku bhe Amaku noseꞌise bhe Idi? Wambaku ne hintimiu miina namaiꞌao ne Wutoku, tamaka Amaku seꞌiseno bhe Idi, Anoamo humabuno kahadhaano.

Yohanes 14:31

Ampamo kaowu kosasawiꞌae nakumadhadhia neanomo dhunia damandeꞌaane putae Idi aoasiꞌao Amaku bhe adhalangi sabhaha pahintano ne Idi. Ehemoomu, dokalaanaomu.”

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 17:25

Hintu Amaku umadhilino, daanumo dhunia miina damandeꞌaangko, tamaka o Idi apandeꞌaangko bhe andoa ini dopandeꞌaane Hintumo tumudu kanau.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 3:33

Tamaka tumahimano bhihitano nefosampeno maitu noꞌakuiꞌemo kabanarano Lahataꞌala.

Yohanes 5:32

tamaka nandoo mie sigaoꞌano sumakusii kanau, apandeꞌaane nesakusiiꞌaono naꞌa nokotuꞌu.

Yohanes 5:43

Amai weo kuasano Amaku, gahaꞌa miina tumahima kanauꞌomu, tamaka mie sigaoꞌano domai weo kuasando wutondo, ingka tahimadaomu.

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yohanes 7:14

Ne pofelabuntaꞌano hohaeaꞌa naꞌa, gahaꞌa Yesus tadua nopesuamo weo Lambuno Lahataꞌala maka nofofoinaꞌu ne itu.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

Yohanes 8:16

Tamaka ane afobhotusi, kabhotusiku nakotuꞌu, hampano miina amoisa tamaka apobhai bhe Amaku tumudu kanau.

Yohanes 8:19

Ambado toha, “Ne amai gahaꞌa Amamu?” Ambano Yesus, “Naetaa Idi naetaa Amaku miina mandeꞌaaneomua. Ane mandeꞌaaneomu laꞌae Idi ini, tetewei mandeꞌaaneomu dua Amaku.”

Yohanes 8:26

Nandoo nobhahi so nepugauꞌaoku, nobhahi dua kaꞌalamiu so nebhotusiku, tamaka Tumudu kanau nobanara. Ampa nefetingkeku ne Anoa, anaꞌamo nefohatoꞌaoku ne dhunia.”

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Yohanes 9:29

Tapandeꞌaane, Lahataꞌala padamo nokobhoasao ne anabii Musa, tamaka mie anaꞌa, miina tamandeꞌaanea bhahaꞌi nomaiꞌao ne amai.”

Tula-tulando rasulu 17:23

Kapaꞌamo kaomponano aliligi kotamiu ini bhe afoti-fotinda nesombaimiu, taꞌawohamo dua medha kontu kaetunuꞌa kapopanga bhe kabuhino. Kabuhino peda aini, ‘So ompu tapa tipandeꞌaono.’ Nesombaimiu ini mahingga miinaꞌo mandeꞌaaneomua, Anoamo itu so nefohatoꞌaoku inia.

Roma 1:28

Andoa donamisi wutondo miinamo namaruluua damekihi Lahataꞌala, maka tanofolapasadamo ne sabhaha fekihi tapa kofahalaano sampe dohabumo tapa mantasiꞌano.

Roma 3:4

Ingka teteweimo paise, kapaꞌamo tabeano damandeꞌaane Lahataꞌala sadhia nobanara, tamaka kotika manusia liwuno paha. Anaꞌa noposahataa bhe tibuhino weo Kitabi ⸤ nopulaoꞌao Lahataꞌala⸥ peda ini, “Naetaa sabhaha nekobhoasaꞌaomu nakobukutiimo kakotuꞌuno, ane dasumangkatiko tetewei fotalo.”

2 Korintus 1:18

Bhe Lahataꞌala kumampuu-mpuuno ne dhandino, podhandi mani ne hintimiu miina napoibhaha uumbe bhe paise.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

Titus 1:2

Kafoinaꞌu aini nengkoha ne posahunaꞌaontoomu daeꞌawa dadi suhue dhamani. Dadi anaꞌa padamo nofodhandiane Lahataꞌala mpini miinaꞌo natifokonandoo dhunia. Ingka Lahataꞌala miina bhe kapooli nakopahaa.

Ibrani 6:18

Haa hondano ini paise natibhaliia, kapaꞌamo Lahataꞌala pae bhe kapoolia nagumau-gau podhandino bhe fematano naꞌa. Kanandooꞌanomo intaodiomu meoluno ne Lahataꞌala daeꞌawa katangkano lalo so damintahakiꞌao kaposahunaꞌao kumantaa-ntaano te wisentoomu.

1 Yohanes 5:10

Dadiꞌanomo sasuka marasaeano ne Anano Lahataꞌala, miinamo nopoibhahaane putae kasakusii amaitu nokotuꞌu. Tamaka mie tapa marasaeano ne Lahataꞌala kabeanga nokonamo Lahataꞌala nokopaha, mbaꞌinomo miina namarasaea kasakusiino Lahataꞌala so Anano.