Yohanes 7:14 - Muna Southern Dialect

¹⁴ Ne pofelabuntaꞌano hohaeaꞌa naꞌa, gahaꞌa Yesus tadua nopesuamo weo Lambuno Lahataꞌala maka nofofoinaꞌu ne itu.

Yohanes 7:14 Iomraidhean Croise

Matius 21:12

Pada anaꞌa Yesus nopesuamo weo kadeteno Lambuno Lahataꞌala, maka nogihasi sabhaha mie podaoano ne itu. Medhando mebhase-bhaseno dhoi bhe bhangko-bhangkondo mahaasono dhaadhaha nobhansualeda.

Matius 26:55

Pada aitu Yesus nopugau ne mie bhahi ambano, “Kona kanauꞌomu mie modai gahaꞌa sampe metaguomu kampue bhe kawangku maka humako kanauꞌomua? Ingka seꞌo-seꞌoleo aengkoha-ngkoha afofoinaꞌu weo Lambuno Lahataꞌala, tamaka miina humako kanauꞌomu.

Lukas 19:47

Seꞌo-seꞌoleo Yesus nofofoinaꞌu weo Lambuno Lahataꞌala. Neangkaꞌindo imamu, pande-pande Kitabi bhe neangkaꞌindo miendo Yahudi deꞌondofi akala damongkoe.

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Yohanes 5:14

Pada amaitu Yesus nopoꞌawaanemo weo Lambuno Lahataꞌala maka nopugauane ambano, “Aitu moꞌosamo, tiehemo mehabu dhosa keana nokantibhako dhumuluꞌano kadaha.”

Yohanes 7:2

Wakutuu aitu nomaꞌomo hohaeaꞌando Yahudi, nekonando hohaeaꞌano Bhantea.

Yohanes 7:28

Tangasano Yesus nofofoinaꞌu weo Lambuno Lahataꞌala nopugau ampa kabhalano suahano, “Kotu-kotuꞌu pandeꞌa kanauꞌomu gahaꞌa? Pandeꞌaaneomu dua kamaiꞌaoꞌaku? Ampamo kaowu kahatoꞌaku suano kapoindaloku Wutoku, tamaka notudu kanau Lahataꞌala. Anoamo banarano, gahaꞌa miina mandeꞌaaneomua.

Yohanes 7:37

Ne oleo kapuliaono hohaeaꞌa naꞌa, matanomo hohaeaꞌa, Yesus noehemo bhe nopugau nofekabhala-bhala suahano, “Sasuka mokekeleno wuꞌu naetaa namai ne Idi maka naohoꞌu!

Yohanes 8:2

Same-samentaeno nohatomo toha we Lambuno Lahataꞌala. Kosasawindo raꞌeati domai se Anoa, dadiꞌanomo nengkohamo maka nofoinaꞌuda.

Yohanes 8:20

Kosasawiꞌae naꞌa nopugauane Yesus wakutuuno nofofoinaꞌu weo Lambuno Lahataꞌala ne owano sohongano sadhakaa. Tamaka bhe seemie miina bhe humakoe hampano miinaꞌo nahumato tempono.