Yohanes 7:13 - Muna Southern Dialect

¹³ Tamaka bhe naseemie miina bhe mokadono dasumambilie mentalea-mentalea, hampano doteꞌi kamungkulaꞌi miendo Yahudi.

Yohanes 7:13 Iomraidhean Croise

Yohanes 19:38

Nopalusi anaꞌa nomaimo Yusuf mieno Arimatea. Anoa ini anaguhuno Yesus, tamaka miina naefemata-mataa hampano noteꞌi miendo Yahudi. Kamaiꞌano nesalo ne Pilatus namala maeatino Yesus. Pilatus noꞌundaꞌaane, dadiꞌanomo lasao nokala noala maeatino Yesus.

Yohanes 20:19

Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 7:1

Pada anaꞌa Yesus nowaliligimo kadieno Galilea, hampano nokiido nalumili we kadieno Yudea, kapaꞌamo ne naꞌa miendo Yahudi dopatudhu damongkoe.

Yohanes 7:11

Kaomponano hohaeaꞌa naꞌa miendo Yahudi sadhia doꞌondofi Yesus ambado, “Ne amaiꞌe bhahaa?”

Yohanes 7:15

Miendo Yahudi tadomente ambado, “Peda amai mie anoa ini nopande peda ini, ingka miina nakosikolaa!”

Yohanes 9:22

Kapugauꞌando kamungkulano peda maitu doteꞌi miendo Yahudi, kapaꞌamo miendo Yahudi domafakaanemo sasuka kumonano Yesus maitu Mesias Omputo Fosalamatino, daꞌumeleꞌaanda damesua weo lambu kasambaheaꞌa.

Yohanes 9:34

Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.

Powoha 2:13

Apandeꞌaane ne amai kaeateꞌamu, ingka we kota kafopahintaꞌano Kafeompuꞌando seetani. Tamaka hintimiu sadaa-daa fintahakiomu kaparasaeamiu ne Idi, miina sumowoomua, mahinggamo we dhamanino Antipas sakusiiku tiparasaeano nepongkondo ne wisemiu, we kaeateꞌano Kafeompuꞌando seetani itu.