Yohanes 7:12 - Muna Southern Dialect

¹² Dobhahi raꞌeati mekamu-kamuntuno sadhia dopulaoꞌao Anoa. Nandoo mugauno, “Anoa maitu mie metaa.” Nandoo dua mugauno, “Miina, Anoa maitu nefekakolilino raꞌeati.”

Yohanes 7:12 Iomraidhean Croise

Matius 10:25

Naetaamo seemie anaguhu napototo bhe guruno, bhe seemie bhatua napototo bhe kafeompuꞌano. Ane kolambuno dakumonaemo Beelsebul ⸤ maꞌanano Kafeompuꞌando seetani⸥ , bhemo toha mie weo lambuno; ingka dawambakianda sabhaha modaiꞌano.

Matius 21:46

Dadiꞌanomo dokopatudhu dahumakoe tamaka doteꞌi mie bhahi, kapaꞌamo mie bhahi maitu doabhi Yesus seemie anabii.

Matius 27:63

Ambado, “Waompu, tafeꞌulai pugauno fobhohe-bhoheꞌino maitu wakutuu nandoo nodadi. Ambano ne katolu oleono namanumo maiꞌao ne mate.

Lukas 18:19

Notobhoosimo Yesus, “Noafa gahaꞌa kona kanau metaano lalo? Ingka miina bhe metaano lalo, mpahinomo wutono Lahataꞌala.

Lukas 23:47

Nowoha kadhadhia anaꞌa neangkando tantara nopudhi nofekakalabhia Lahataꞌala ambano, “Kotu-kotuꞌu anoa ini mie banara!”

Lukas 23:50

Nandoo seemie koneaꞌano Yusuf, nopesua dua ne Sahano Agama. Anoa ini mie metaa bhe mie banara,

Lukas 6:45

Mie metaa nefolimba metaaꞌano nomaiꞌao ne kampebuniꞌano lalono metaaꞌano; mie modai nefolimba modaiꞌano. Kapaꞌamo tibhokaꞌano ne wiwi nolua nomaiꞌao weo totono lalo.”

Lukas 7:16

Kosasawindo mie bhahi doteꞌimo bhe dopudhi Lahataꞌala ambado, “Seemie anabii bhalano notiumbamo ne wunta-wuntantoomu. Lahataꞌala nodongawimo umatino natumulumida.”

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 7:32

Miendo Farisi dofetingke mie bhahi dopokamu-kamuntui peda anaꞌa dosambili Anoa maitu, dadiꞌanomo neangkaꞌindo imamu bhe miendo Farisi detudumo dhagano Lambuno Lahataꞌala dahumakoe.

Yohanes 7:47

Ambado miendo Farisi ne andoa, “Bhahaa hintimiu nofekakolilinokoomu dua?

Yohanes 7:52

Ambado, “Gahaꞌa hintu ini mieno Galilea dua? Soba lengka Kitabi itu! Ne itu mandeꞌaanemo miina nandumandoo seemie anabii maiꞌaono we Galilea.”

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

Tula-tulando rasulu 11:24

Barnabas ini mie metaano lalo, notangka kaparasaeano bhe nokabhintie Rohino Lahataꞌala. Dadiꞌanomo dhulumo kabhahi mie marasaeano ne Ompu Yesus.

Roma 5:7

Kapaꞌamo miina naomudaa seemie namateꞌao mie banara, mahinggamo bheanea nandoo dua so mokadono namateꞌao mie metaa.

Filipi 2:14

O ae maka dua habumiu ⸤ metaaꞌano⸥ , tahabumoomu, koise kamuntu-muntuomua, koise potaga-tagaliomua.