Yohanes 6:59 - Muna Southern Dialect

⁵⁹ Kosasawiꞌae ini nokowambaane Yesus we liwuno Kapernaum, wakutuuno nofofoinaꞌu weo lambu kasambaheaꞌa.

Yohanes 6:59 Iomraidhean Croise

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Lukas 4:31

Pada aitu Yesus nosampumo we Kapernaum, seꞌonu kota we kadieno Galilea maka ne oleono Sabat nofofoinaꞌu ne itu.

Yohanes 18:20

Yesus notobhoosimo ambano, “Idi sadhia apugau mentalea-mentalea ne dhunia, afofoinaꞌu ne lambu-lambu kasambaheaꞌa bhe ne Lambuno Lahataꞌala kapofoꞌo-foꞌonuꞌando kosasawindo miendo Yahudi. Miina sepaliꞌa apugau mpebuni.

Yohanes 6:17

Andoa dosawimo ne bhangka, maka dopolimba we sewetano, we liwuno Kapernaum. Nohondomo oleo tamaka Yesus miinaꞌo dua nahumatodaa.

Yohanes 6:24

Gahaꞌa dopandeꞌaane kaowu Yesus bhe anaguhuꞌino miinadamo ne itu, andoa lasao dosawi ne bhangka andoa maitu maka dopolimba we Kapernaum doꞌondofi Yesus.