Yohanes 6:57 - Muna Southern Dialect

⁵⁷ Amaku, kamaiꞌaoꞌano dadi, Anoa tumudu kanau, kadadiꞌakumo. Pedamo dua anaꞌa sasuka momaano mbadhaku naeꞌawa dadi maiꞌao ne Idi.

Yohanes 6:57 Iomraidhean Croise

Matius 16:16

Notobhoosimo Simon Petrus ambano, “Hintumo Mesias, Omputo Fosalamatino, Anano Lahataꞌala dumadino ⸤ suhue dhamani⸥ .”

Yohanes 14:19

Tana sebantaha dhunia paemo damoha kanau, tamaka hintimiu sadaa-daa moha kanauꞌomu hampano Idi adumadi bhe hintimiu dumadiomu dua.

Yohanes 14:6

Ambano Yesus, “Idimo ini o kaangkaꞌa, meowano kabanara bhe fowaꞌaono dadi. Bhe naseemie paise bhe so humatono ne Amaku ane paise namangka ne Idi.

Yohanes 17:21

Aesalo sio-siomo kosasawindo daseꞌise, peda Hintu Ama seꞌise bhe Idi, Idi aseꞌise bhe Hintu. Sio-siomo dua daseꞌise bhe Intaodi, neanomo dhunia damarasaea Hintumo tumudu kanau.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 5:26

Amano kamaiꞌaoꞌanomo dadi; pedamo dua aitu Anano nowaꞌane kuasa nembali kamaiꞌaoꞌano dadi.

Yohanes 6:29

Yesus tanotobhoosida ambano, “Kahadhaa nepoindalono Lahataꞌala, parasaeaꞌomu ne Katuduno Lahataꞌala!”

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

1 Korintus 15:22

Kosasawindo manusia domate hampano kaseꞌisendo bhe Adam, pedamo dua itu kosasawindo manusia damodadida hampano kaseꞌisendo bhe Kristus.

1 Korintus 15:45

Nandoo tibuhino weo Kitabi, “Manusia kabhao-bhaono, nekonando Adam, bhe inawano dumadino,” tamaka Adam mbuhumaino ⸤ patudhuno Kristus⸥ , bhe Rohino fofodadino.

2 Korintus 13:4

Daanumo kanaleno Kristus notiwoha wakutuuno dokantaiꞌe te sau salipu, tamaka ampa aitu nodadi hampano kuasano Lahataꞌala. Pedamo dua anaꞌa, insaodi seꞌiseno bhe Anoa taonale, tamaka hampano kuasano Lahataꞌala tadumadi tapoowa bhe Anoa so kaetaaꞌamiu.

Galatia 2:20

Tamaka ampa aitu adadimo. Ampamo kaowu suanomo dadiku wutokua, tamaka Kristus dumadino we laloku ini. Dadi nedambaꞌaoku ini, ingka o dadi weo kaparasaea ne Anano Lahataꞌala. Anoa noasi kanaumo sampe nofotawakala wutono dopongkoe so idi.

1 Tesalonika 1:9

Mie andoa maitu detula-tulaꞌaomo kataano tahima kainsamiomu ⸤ pakamai mani⸥ te liwumiu, detula-tulaꞌaomo dua putae kukundoemoomu barahala nesombaimiu maka doliomu ne Lahataꞌala banarano dumadino, feompumoomu ne Anoa.

Ibrani 9:14

bhemo toha heano Kristus! Weo kuasano Rohino Lahataꞌala dumadino suhue dhamani, Kristus nofoampe Wutono mbali kapopanga pata kodengono ne Lahataꞌala. Dadiꞌanomo heano tetewei namekangkilo totono lalontoomu maiꞌao ne sabhaha podiu meowano mate, neanomo naembali dameompuomu ne Lahataꞌala dumadino.

1 Yohanes 4:9

Pedamo aini Lahataꞌala nofotiwohamo kanini kaasino ne intaodiomu, ingka notudu Anano kaenseemie nomai we dhunia ini, neanomo namangka ne Anoa daeꞌawaomu dadi.