Yohanes 6:38 - Muna Southern Dialect

³⁸ Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 6:38 Iomraidhean Croise

Matius 20:28

Kapaꞌamo wutono Anano Manusia - Idimo ini - nomai pae naefeꞌondofaoa tamaka nafoꞌondofao bhe nafowaꞌao inawano so katolosindo mie bhahi.”

Yohanes 3:13

Bhe naseemie miinaꞌo bhe monino te surugaa, ampamo kaowu Anano Manusia - Idimo ini - sumampuno maiꞌao te surugaa.

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Yohanes 3:31

Anoa maiꞌaono te wawo, nofewawo bhahi-bhahiꞌae. Anoa maiꞌaono we dhunia mieno dhunia, pugauno wambano dhunia. Anoa maiꞌaono te surugaa nofewawo bhahi-bhahiꞌae.

Yohanes 4:34

Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 5:19

Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

Yohanes 6:29

Yesus tanotobhoosida ambano, “Kahadhaa nepoindalono Lahataꞌala, parasaeaꞌomu ne Katuduno Lahataꞌala!”

Yohanes 6:33

Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Yohanes 6:42

Ambado, “Anoa ini ingka Yesus anano Yusuf, inano bhe amano ingka dopandeꞌaaneomu. Noafaꞌao dua nopugau, ‘Idi ini asampu amaiꞌao te surugaa?’ ”

Yohanes 6:57

Amaku, kamaiꞌaoꞌano dadi, Anoa tumudu kanau, kadadiꞌakumo. Pedamo dua anaꞌa sasuka momaano mbadhaku naeꞌawa dadi maiꞌao ne Idi.

Roma 15:3

Kapaꞌamo Kristus miina dua namekihi kaoꞌiaꞌano Wutono. Weo Kitabi notibuhi ⸤ wambano Kristus ne Lahataꞌala⸥ , “Sabhaha wamba kafekaꞌaebu nefolimbando so Hintu nokangkanaimo Idi.”

Efesus 4:9

Ane dokonae nofoni, maꞌanano ingka padamo dua nosampu we kaeateꞌa foliuno kapanda we dhunia ini.

Ibrani 5:8

Mahinggamo Anoa Anano Lahataꞌala, nopoguhu nembali mie meangka weo kakadee-dee nenamisino.