Yohanes 5:23 - Muna Southern Dialect

²³ neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 5:23 Iomraidhean Croise

Matius 10:37

Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.

Matius 11:27

Kosasawiꞌae padamo nowaꞌa kanaꞌe Amaku. Miina bhe mandeꞌaono Anano Lahataꞌala mpahinomo Amano. Miina dua bhe mandeꞌaono Amano mpahinomo Anano, bhe kosasawindo mie neꞌundaꞌaono Anano Lahataꞌala damandeꞌao Amano.

Matius 12:21

Anoamo so kaposahunaꞌaondo sabhaha bansano liwu.”

Matius 15:8

‘Mie andoa ini dosombai kanau kaowu ne wiwindo, tamaka totono lalondo nokodoꞌo bhe Idi.

Matius 28:19

Dadiꞌanomo kalaomu, owadaomu sabhaha bansano liwu daembali anaguhuꞌiku. Kadiudaomu, weo neano Ama bhe Ana bhe Rohino Lahataꞌala.

Lukas 10:16

⸤ Pada aitu nopugaumo ne anaguhuꞌino, ambano,⸥ “Laꞌae metingkekoomu, nofetingkemo Idi. Laꞌae mongaheꞌikoomu, nongaheꞌimo Idi. Laꞌae mongaheꞌino Idi, nongaheꞌimo dua Tumudu kanau.”

Yohanes 14:1

Nopugaumo Yesus ambano, “Koise nosabha handamiu, parasaeaꞌomu ne Lahataꞌala, parasaeamoomu dua ne Idi.

Yohanes 16:14

Anoa namotiwoha kakalabhiaku, hampano namebhihitaiꞌangkoomu sabhaha netahimano ne Idi.

Yohanes 17:10

Sabhaha fehebuaꞌaku ingka fehebuaꞌamu dua. Sabhaha fehebuaꞌamu ingka fehebuaꞌakumo dua. Kakalabhiaku natiwohamo weo dadindo andoa maitu.

Roma 1:7

Suha aini so hintimiu meateno we Roma, nemoasiꞌaono Lahataꞌala, toka nebhasino membaliomu umatino mongkilono. Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

Roma 15:12

Peda dua ini nekosuahaꞌaono anabii Yesaya, “Namaiꞌao ne sampuꞌano Isai natiumba tunasino, tunasi aini namehe namintaha pahinta ne sabhaha bansano liwu. Anoamo dua so tumpuꞌano posahunaꞌaondo sabhaha bansano liwu.”

Roma 6:22

Tamaka ampa aitu padamo dofobebasikoomu maiꞌao ne dhosa maka membalimoomu bhatuano Lahataꞌala. Labamiu naeowaangkoomu dadi mongkilo, kaopuliꞌano dadi suhue dhamani.

Roma 8:9

Tamaka hintimiu ingka miinamo dumadiomu angkafi kapoindalono mbadha, dadiomu angkafiomu kaatono Rohino Lahataꞌala, ane kotu-kotuꞌu Rohino Lahataꞌala neate weo totono lalomiu. Mie tapa tumahimano Rohino Kristus, ingka suano fehebuaꞌano Kristus.

1 Korintus 1:3

Sio-siomo sadhia napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

1 Korintus 16:22

Laꞌae pata moasiꞌaono Ompu, nobalaamo! Maranata!

1 Korintus 6:19

Bhahaa miina mandeꞌaaneomua mbadhamiu itu lambu mongkilo kaeateꞌano Rohino Lahataꞌala? Rohino Lahataꞌala ini neate weo totono lalomiu bhe nowaꞌangkoeꞌomu wutono Lahataꞌala. Dadiꞌanomo hintimiu itu suanomo fehebuaꞌamiu wutomiu.

2 Korintus 1:9

Bhahamoa tanamisi kao-kaomo taeꞌawamo kahukumu mate. Ampamo kaowu, aini nokadhadhia keana sadhia taparasaea wuto mani tamaka tamasande kaowu ne Lahataꞌala mefowanuno mie mate.

2 Korintus 5:14

Kanini kaasino Kristus nowadhumpa kainsami, hampano tapandeꞌaanemo lalo mani ane seemie nomateꞌao mie bhahino, nokomaꞌana kosasawindo domatemo.

2 Korintus 5:19

Noangka ne Kristus Lahataꞌala nopometaaꞌao dhunia bhe Wutono, miinamo naelentu sabhaha kaꞌalando manusia. Insaodimo nefotakano tamolele bhihitano kapometaaꞌa ini.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

2 Timotius 1:12

Kanandooꞌanomo aeꞌawa sabhaha kakadee-dee ini, tamaka miina aoambanoanea, mbaꞌinomo apandeꞌaane o laꞌae neparasaeaku. Apandeꞌaane mpuu Anoa nokokuasa nadhumagani neposahunaꞌaono ne idi ampa ne oleo kahatoꞌano Ompu.

Ibrani 1:6

Wakutuuno nofopesua Anano titiisa we dhunia ini, nokobhoasao toha ambano, “Kosasawindo malaꞌekatiku tetewei datumaohao sombado ne Anoa.”

2 Petrus 1:1

Suha aini nomaiꞌao ne Simon Petrus, palima-lima bhe rasuluno Yesus Kristus, so bhahitieꞌi pototoꞌano kaparasaea bhe insaodi. Nepulaoꞌaoku kaparasaeantoomu ne Yesus Kristus, Lahataꞌalantoomu mosalamati kaita bhe meowano kaꞌadhili.

2 Petrus 3:18

Naetaa mpuu modhuluomu kabhala bhe kamatangkamiu weo kanini kaasino Yesus Kristus, Ompu bhe Fosalamatino, bhe nasedhuluꞌa dua mandeꞌaaneomu. Nopantasi mpuu damosibhalae haꞌoleo ini ampa suhue dhamani! Amin.

1 Yohanes 2:23

Mie tapa mangakuno noparasaea ne Anano Lahataꞌala, miina dua naseꞌise bhe Amano. Mie mangakuno noparasaea ne Anano Lahataꞌala, tetewei dua noseꞌisemo bhe Amanoa.

2 Yohanes 1:9

Sasuka tapa mintahakino kafoinaꞌuno Kristus tamaka nekapingkaane, miinamo naseꞌise bhe Lahataꞌala. Sasuka mintahakino kafoinaꞌu anaꞌa noseꞌise bhe Lahataꞌala Ama bhe Anano.