Yohanes 5:19 - Muna Southern Dialect

¹⁹ Yesus notobhoosidamo ambano, “Amohatokoomu, kotu-kotuꞌu Anano Lahataꞌala - Idimo ini - miina bhe habu nepoolino maiꞌao ne kuasano Wutono, ane miina naoha deki nohabue Amano. Kapaꞌamo nehabuno Amano, nehabunomo dua Anano.

Yohanes 5:19 Iomraidhean Croise

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Lukas 21:15

Kapaꞌamo wutoku so maꞌangkoomu pugau kotimbangi, sampe kosasawindo kaewamiu paise damondoiꞌea dapoewangiane tawa dagumagai pugaumiu.

Yohanes 10:18

Bhe naseemie miina bhe so malano inawaku, tamaka afowaꞌane hampano kahelasino Wutoku. Idi akokuasa afowaꞌane, akokuasa dua sumuli atumahimae. Ainimo taka netahimaku ne Amaku.”

Yohanes 12:49

Kapaꞌamo wambaku ini miina namaiꞌao ne Wutokua, tamaka nomaiꞌao ne Amaku. Amaku tumudu kanau, Anoamo mahintangi kanau bhe nofohato kanau o ae so nepugauꞌaoku bhe so nefosampeku.

Yohanes 12:50

Apandeꞌaane pahintano neowa dadi suhue dhamani. Dadiꞌanomo wamba nepugauꞌaoku, ingka o bhoasaonomo dua Amaku ne Idi.”

Yohanes 14:10

Bhahaa miina marasaeaꞌa, Idi aseꞌise bhe Amaku bhe Amaku noseꞌise bhe Idi? Wambaku ne hintimiu miina namaiꞌao ne Wutoku, tamaka Amaku seꞌiseno bhe Idi, Anoamo humabuno kahadhaano.

Yohanes 2:19

Yesus notobhoosida ambano, “Hunggaeꞌomu Lambuno Lahataꞌala ini maka namooli tolu oleo atumokaemo dua amoehee.”

Yohanes 3:3

Notobhoosimo Yesus ambano, “Amohatoko, kotu-kotuꞌu ane seemie pae sumuli nalumente, paise naoha Kafopahintaꞌano Lahataꞌala.”

Yohanes 5:21

Amano nefowanu mie komate-mateno bhe nofodadida, pedamo dua anaꞌa Anano nefodadi dua ampa nepoindalono.

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 8:28

Ambano Yesus, “Mada kaowu sumangkeomu Anano Manusia te melangkeꞌano, kaneꞌomo mandeꞌaaneomu Idimo ini nekonando idi ndumandoono. Mandeꞌaanemoomu dua Idi ini miina akonihabu aeala kapooli ne Wutoku, tamaka apugauꞌao sabhaha nefoinaꞌuꞌaono Amaku ne Idi.

Yohanes 9:4

Tinangke nandoo ole-oleo, tetewei dadhumalangiomu kahadhaano Tumudu kanau. Kapaꞌamo naohondo kaowu oleo, ingka bhe naseemie paemo bhe so moolino kumahadhaanoa.

Tula-tulando rasulu 2:24

Tamaka Lahataꞌala nofodadie, nofolapae nomaiꞌao ne kakadee-deeno mate, hampano pae bhe kapoolia nasumadaa-daa nakumuasaiꞌe mate.

Roma 6:4

Weo kakadiu sarani, intaodiomu domatemo bhe padamo dofokobuhu poowa bhe Kristus, neanomo tapedamo wutono Kristus dofodadie maiꞌao ne mate hampano kuasano Amano kumalabhiano, intaodiomu dua dadumadi weo dadi buꞌou ⸤ te dhunia ini⸥ .

Roma 8:11

Ane Rohino Lahataꞌala madano mowanuno Yesus maiꞌao ne mate neate weo totono lalomiu, maka Anoa mowanuno Kristus Yesus maiꞌao ne mate naꞌa, teteweimo dua namodadi mbadha kasaramiu itu, namangka ne Rohino meateno weo totono lalomiu.

1 Korintus 15:12

Ane taefebhihitaiꞌao putae Kristus dofowanue maiꞌao ne mate, nada amai bhahaa nandoo dua ne olotamiu itu mugauno putae miina bhe kawanuꞌando mie mate?

2 Korintus 4:14

Kapaꞌamo tapandeꞌaane putae Lahataꞌala mowanuno Ompu Yesus maiꞌao ne mate, namowanu kainsami dua tapoowa-owa bhe Yesus. Mada anaꞌa namowa kainsami te wiseno tapoowa-owa bhe hintimiu.

2 Korintus 5:10

Kapaꞌamo ingka kosasawintoomu ini tetewei damewise ne kaengkohaꞌano Kristus so fobhotusino. Ne naꞌa seemie-seemie naꞌumawa so mantasiꞌano neꞌawano naposahataa bhe habuno mbadhano we dhunia, metaaꞌano tawa modaiꞌano.

Efesus 2:5

Lahataꞌala nofodadi kaita dopoowa bhe Kristus, mahinggamo domatemoomu hampano dokangkalaꞌi pahintano. Tandaiꞌeomu, hintimiu nofosalamatikoomu Lahataꞌala hampano kataano lalono.

Efesus 3:16

Asambahea sio-siomo Lahataꞌala kumalabhiano kuasa, namekatangka totono lalomiu, namekaꞌosaane Rohino.

Filipi 3:21

Nahumato kaowu Kristus nabhalii mbadha kasarantoomu monaleno ini naembali nasekatu bhe mbadhano wutono kumalabhiano. Kanandooꞌano peda anaꞌa mbaꞌinomo Kristus nokokuasa namotuhu sabhaha ndumandoono ne wiseno.

Filipi 4:13

Bhe katulumino Kristus maꞌa kanau kaꞌosa, amondoiꞌe awiseki sabhaha waweno dadi.

Kolose 1:11

Sio-siomo kuasano kumalabhiano Lahataꞌala namekamatangkakoomu, so kosabahaꞌaoꞌomu bhe natumuhu lalomiu potaamiꞌaoꞌomu sabhaha netompaloimiu.

Kolose 1:16

Kapaꞌamo bhahi-bhahiꞌae nefokonandoono Lahataꞌala noangka ne Kristus. Sabhaha ndumandoono te surugaa bhe we dhunia, tiwohaꞌano bhe pata tiwohaꞌano, sabhaha rohi mintahano kuasa, sabhaha neangkando rohi, saneamo nofokonandooda Lahataꞌala noangka ne Kristus bhe nofokonandooda somo dua wutono Kristus.

1 Tesalonika 4:14

Ingka doparasaeaꞌomu Yesus nomate maka suli nodadi. Dadiꞌanomo doparasaeaꞌomu dua, ⸤ humato nasumuli Yesus⸥ Lahataꞌala nawowoꞌoda kosasawindo mie mate marasaeano ne Yesus dapoowa-owa bhe Anoa.

1 Petrus 3:18

Kapaꞌamo wutono Kristus nomateꞌao dhosantoomu, sepaku kaowu so suhue dhamani. Anoa mie banara nomateꞌao mie modai. Kamateꞌano ingka so natumondaꞌao hintimiu ne Lahataꞌala. Mbadha kamanusiano dopongkoe, tamaka Rohino Lahataꞌala nofowanue maiꞌao ne mate.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.