Yohanes 4:7 - Muna Southern Dialect

⁷ Gahaꞌa nohatomo seemie hobhine miendo Samaria naetambu oe. Ambano Yesus, “Bhe idi oemu aohoꞌu.”

Yohanes 4:7 Iomraidhean Croise

Matius 10:42

Laꞌae fowaꞌaono oe kafohoꞌu mahingga nasekampohoꞌuꞌa kaowu so mie mepandano kaengkohaꞌa ini mbaꞌinomo mie aitu anaguhuku, kotu-kotuꞌu pae namiinaea ponambonoa.”

Yohanes 19:28

Pada anaꞌa, Yesus nopandeꞌaanemo bhahi-bhahiꞌae nopalusimo. Dadiꞌanomo nopugaumo ambano, “Nokekele wuꞌuku!” Kanandooꞌano peda ini somo nakoꞌulaꞌao wambano Kitabi.

Yohanes 4:10

Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 4:6

Ne itu nandoo sumuno Yakub. Yesus nowulemo sepaliꞌa nekala-kala dadiꞌanomo nengkoha ne wiwino sumu anaꞌa. Oleo hambi-hambi ompulu haa matamo.

Yohanes 4:8

Anaguhuꞌino dokalamo we kota daeꞌoli oti.