Yohanes 4:38 - Muna Southern Dialect

³⁸ Hintimiu atudukoomu tumobheomu ne kaampo tapa nemowuleꞌaomiu; bhaindo mowuleane, hintimiu kolabaꞌaono kaowuleꞌando.”

Yohanes 4:38 Iomraidhean Croise

Matius 4:23

Yesus noangkai kosekaꞌewaꞌae kadieno Galilea, nofofoinaꞌu ne lambu-lambu kasambaheaꞌa. Anoa nefolele Bhihita Metaa Kafopahintaꞌano Lahataꞌala, poowa nefekaꞌosa sabhaha mie mosaki bhe modaino namisi ne liwu aitu.

Yohanes 1:7

Anoa ini nomai nosakusiiꞌao tilanga amaitu, neanomo kosasawindo manusia dametingke bhihitano bhe damarasaea ne tilanga.

Yohanes 17:18

Pedamo Hintu tudu kanau we dhunia, Idi atududamo dua ne dhunia.

Yohanes 4:37

Pedamo naꞌa nokantibhamo kapalenda aini: seemie metisano, seemie tumobheno.

Yohanes 4:39

Dobhahi miendo Samaria maiꞌaono ne kota aitu doparasaeamo ne Yesus hampano pugauno hobhine amaitu peda ini, “Anoa nofohato kanau sabhaha nehabuku.”

Tula-tulando rasulu 2:41

Dobhahi mie marasaeano ne pugauno Petrus, maka dokadiuda. Oleo itu umati dotitubhahi, kabhahindo dapetolu hewu.

Tula-tulando rasulu 4:32

Kosasawindo marasaeano doseꞌise, dosefekihi bhe dosekakolalo. Bhe naseemie miina bhe kumonano fehebuaꞌano so wutono kaowu, tamaka fehebuaꞌano seemie mbalimo dua fehebuaꞌando kosasawindo.

Tula-tulando rasulu 4:4

Tamaka metingkeno kafoguhundo dobhahi marasaeano, sampe kosasawindo umati o moꞌane kaowu dapelima hewumo.

Tula-tulando rasulu 5:14

Dhulu kaompona dhulu kabhahi mie marasaeano ne Ompu, namoꞌane nahobhine.

Tula-tulando rasulu 6:7

Bhoasaono Ompu Lahataꞌala sadhulu-dhulu kaꞌewa nolelea. Mie marasaeano we Yerusalem sedhuluꞌamo dua kabhahindo. Dobhahi dua imamu tumuhuno maka doparasaea ne Yesus.

2 Korintus 10:15

Insaodi miina tasumangke-sangke wuto mani hampano kahadhaando mie sigaoꞌano, nehabundo we sembalino kadie netida so insaodi. Ampamo kaowu taposahunaꞌao kaparasaeamiu dhulu kamatangka bhe kahadhaa mani ne olotamiu itu nasedhuluꞌa dua kalalesa, naposahataa bhe kaꞌewano kadie toka netidano Lahataꞌala so insaodi.