Yohanes 4:34 - Muna Southern Dialect

³⁴ Ambano Yesus ne andoa, “Aangkafi kapoindalono Tumudu kanau bhe amotoka kahadhaano, aitumo oti nehumaaku.

Yohanes 4:34 Iomraidhean Croise

Matius 26:39

Yesus nopansuhu seendai te wise maka nolongko ne wite nosambahea ambano, “Ama, ane naembali fogampi kanaꞌe kasabha so netompaloiku itu, ampamo kaowu koise angkafi kapoindaloku tamaka taꞌampamo kapoindalomu.”

Matius 3:15

Nopugaumo Yesus ambano, “Hunsaꞌanomo aitu, kapaꞌamo nofaraluu peda aini so damangkafiꞌao kosasawiꞌae kapoindalono Lahataꞌala.” Dadiꞌanomo Yohanes noangkafie kamesalono.

Matius 9:19

Yesus noehe maka noangkafi mie anaꞌa, nopoowa-owa bhe anaguhuꞌino.

Lukas 15:10

Amohatokoomu, nadamo dua anaꞌa malaꞌekatino Lahataꞌala daoꞌia hampano seemie kodhosa metompaꞌaono dhosano.”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Lukas 2:49

Tamaka Yesus tanotobhoosida ambano, “Noafa gahaꞌa ondofi kanauꞌomu? Miina mandeꞌaaneomua gahaꞌa Idi ini tabeano aeate weo lambuno Amaku?”

Yohanes 17:4

Idi padamo afotiwoha kakalabhiamu we dhunia, hampano padamo adhalangi kahadhaa netuduꞌaomu ne Idi.

Yohanes 19:28

Pada anaꞌa, Yesus nopandeꞌaanemo bhahi-bhahiꞌae nopalusimo. Dadiꞌanomo nopugaumo ambano, “Nokekele wuꞌuku!” Kanandooꞌano peda ini somo nakoꞌulaꞌao wambano Kitabi.

Yohanes 19:30

Pada nofenami angguru mokolo naꞌa, Yesus nopugaumo ambano, “Notokamo!” Pada anaꞌa nofolongkomo fotuno maka nofotawakala inawano, nobhotumo.

Yohanes 4:32

Tamaka Yesus tanotobhoosida ambano, “Bhe otiku tapa nepandeꞌaomiu.”

Yohanes 5:30

Idi miina akonipoolia maiꞌao ne kuasaku Wutoku, Idi afobhotusi noposahataa bhe nefetingkeku ne Amaku. Kabhotusiku noꞌadhili kapaꞌamo miina amangkafi kapoindaloku Wutoku, tamaka kapoindalono Tumudu kanau.

Yohanes 5:36

Tamaka Idi bhe kasakusiiku noliuꞌe nesakusiiꞌaono Yohanes. Nepulaoꞌaoku sabhaha kahadhaa nehabuku; kahadhaa naꞌa nofotaka kanaꞌe Amaku so ahumabu. Kahadhaamo amaitu nembalimo kasakusiiku, nembalimo dua bukutiino Idi ini notudu kanau Amaku.

Yohanes 6:33

Kapaꞌamo roti kawaꞌaono Lahataꞌala nosampu nomaiꞌao te surugaa neowa dadi ne dhunia.”

Yohanes 6:38

Kapaꞌamo kasampuꞌaku amaiꞌao te surugaa paise ahumabu kapoindaloku Wutoku, tamaka ahumabu kapoindalono Tumudu kanau.

Yohanes 8:29

Anoa tumudu kanau sadhia nopobhai kanau. Anoa miina nakumataho kanau amoisa, hampano sadhia akahadhaa posahataano bhe kapoindalono.”

Tula-tulando rasulu 20:35

Ne sabhaha nehabuku ini afotiwohaangkomoomu sandaha putae tabeano dokahadhaa moꞌosa peda aini so datumulumiꞌao mie kumadee-deeno. Ingka nofaraluu datumandai nepugauꞌaono Ompu Yesus, kapaꞌamo padamo nopugau ambano, ‘Nobahakati dofowaꞌao bhe detahimaa.’ ”

Ibrani 12:2

Poowa bhe tendentoomu, ondo kaitaomu kansuhu te wise, te Yesus. Anoamo melengka kaita kaangkaꞌano kaparasaea, Anoamo dua so mosangkano kaparasaeantoomu. Yesus netaami kakadee-dee te sau salipu bhe miina naoheruane putae domate te sau salipu maitu giu timoambanoꞌaono, hampano sehonda-honda nefeꞌulaino: te wiseno nandoo kawulano lalo bhalano so netahimano. Ampa aitu Anoa nengkohamo ne suanano kaengkohaꞌano kumalabhiano Lahataꞌala.