Yohanes 4:24 - Muna Southern Dialect

²⁴ Lahataꞌala maitu o Rohi, dadiꞌanomo mie sumombano ne Anoa, tabeano dasumombaiꞌe maiꞌao ne totono lalondo bhe kasombaindo nabanara.”

Yohanes 4:24 Iomraidhean Croise

Yohanes 4:23

Tamaka nahumato tempono, aitu ingka nohatomo, mie kotu-kotuꞌu sumombano ne Amaku Lahataꞌala dasumombaiꞌe maiꞌao ne totono lalondo bhe kasombaindo nabanara, kapaꞌamo Amaku nopoindaloda mie medano maitu.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

2 Korintus 3:17

O Ompu maitu o Rohi, maka ne amai kanandooꞌano Rohino Lahataꞌala, ne itumo dua kanandooꞌano kabebasi.

Filipi 3:3

Gahaꞌaitumo sakotuꞌuno intaodiomu ini metahimano kasuna mpuu. Maꞌanano intaodiomu ini nofoato Rohino Lahataꞌala dosombaomu ne Anoa, nowose bhakentoomu hampano nehabuno Kristus Yesus. Pakade miina daposahunaꞌaoꞌomu ne kaengkohaꞌano kamanusia bhe habu metaantoomu.

1 Timotius 1:17

Nopantasi mpuu damosibhala bhe damudhi Lahataꞌala, kapaꞌamo Anoamo tapa metompaloino mate, Anoamo Omputo suhue dhamani, Anoamo tapa tiwohano, Anoamo Kaseemie-mieꞌano. Damosibhalae ampa suhue dhamani. Amin.