Yohanes 4:10 - Muna Southern Dialect

¹⁰ Ambano Yesus, “Ane mandeꞌaane kadawuno Lahataꞌala bhe laꞌae sakotuꞌuno mesalono ne hintu, ‘Bhe idi oemu aohoꞌu’, tetewei hintumo so mesalono ne Anoa, maka Anoa namaꞌangko oe meowano dadi.”

Yohanes 4:10 Iomraidhean Croise

Lukas 11:13

Dadiꞌanomo sanginomo hintimiu mie modai pandemoomu waꞌaoꞌomu metaaꞌano ne anamiu, bhemo toha Amamiu te surugaa! Anoa namaꞌao Rohino ne laꞌae maka dua mesaloiꞌe.”

Yohanes 16:3

Kahabuꞌandomo peda naꞌa hampano miina damandeꞌao Amaku, miina dua damandeꞌao Idi.

Yohanes 17:3

Dadi suhue dhamani maitu, maꞌanano manusia dopandeꞌaane Hintumo Kaseemie-mieꞌano, Lahataꞌala banarano, bhe dopandeꞌaane dua Yesus Kristus netudumu.

Yohanes 3:16

Hampano kabhalano kanini kaasino Lahataꞌala ne dhunia ini, sampe nofowaꞌaomo Anano Kaenseemie, neanomo sasuka marasaeano ne Anoa pae nabinasaa, tamaka naeꞌawa dadi suhue dhamani.

Yohanes 4:14

tamaka sasuka mohoꞌuno oe newaꞌaoku, paemo nakekele wuꞌuno ampa suhue dhamani. O oe so newaꞌaoku naembali matano oe we lalono, oeno napontalua-lua kansuhu naeowa dadi suhue dhamani.”

Yohanes 6:35

Ambano Yesus, “Idimo ini roti dumadino, sasuka maino ne Idi paemo naoꞌahoa, sasuka marasaeano ne Idi paemo nakekele wuꞌunoa.

Yohanes 6:51

Idimo ini roti dumadino sumampuꞌano maiꞌaono te surugaa. Ane mie naomaa roti aini nadumadi ampa suhue dhamani. Roti so newaꞌaoku maitu dhagiku Wutoku, somo kadadiꞌando dhunia.”

Tula-tulando rasulu 9:11

Nokowambamo dua Ompu, “Kalamo we kaangkaꞌa koneaꞌano Sala Melaa. Ondofi we lambuno Yudas seemie maiꞌaono we Tarsus, neano Saulus. Ampa aitu tangasano nosambahea.

Roma 8:32

Sanginomo Anano wutono ingka miina naooloanea noowae dopongkoe so kasalamatiꞌantoomu, bhemo toha bhahi-bhahiꞌae sigaoꞌano, bhahaa pae nafowaꞌanea?

1 Korintus 1:30

Tamaka hampanomo Lahataꞌala, hintimiu seꞌisemoomu bhe Kristus Yesus. Anoa itu kaꞌonuꞌano kapandeno Lahataꞌala so intaodiomu, fopometaaꞌaono bhe Lahataꞌala, fofekangkilono dadi bhe fofobebasino maiꞌao ne dhosa.

1 Korintus 10:4

Kosasawindo dofohoꞌu oe pototoꞌano, sanea oe maiꞌaono te surugaa. Kosasawindo dofohoꞌu oe maiꞌano ne kabhawono dempa pobhaianda; dempa anaꞌa ingka o wutonomo Kristus.

2 Korintus 9:15

Foampe kaitaomu katumpuno lalo ne Lahataꞌala hampano kawaꞌaono pata tikiha-kihano!

Efesus 2:8

Katifosalamatiꞌamiu hampano rahamatino Lahataꞌala, noangka ne kaparasaeamiu ne Kristus. O kasalamati maitu suano hasilino kahadhaano wutomiu, tamaka kotu-kotuꞌu katohaino Lahataꞌala.

Ibrani 6:4

Kapaꞌamo ane bhe mie kumukundono Lahataꞌala, miinamo bhe dhalano dasumuli dametompaꞌao dhosando. Endefiꞌini padamo notilada tilangano Lahataꞌala, denamisimo kadawuno surugaa bhe padamo dua dotahima Rohino Lahataꞌala peda bhaindo.

1 Yohanes 5:20

Dopandeꞌaanemo dua Anano Lahataꞌala padamo nomai we dhunia ini, nowaꞌa kaitaomu kapooli damandeꞌao Anoa banarano. Intaodiomu dodadi doseꞌise bhe Lahataꞌala, doseꞌise dua bhe Yesus Kristus, Anano. Anoamo itu Lahataꞌala sakotuꞌuno, Anoamo dua meowano dadi suhue dhamani.

Powoha 21:6

Nopugaumo dua ne idi, “Nopalusimo. Idimo ini Alfa bhe Omega, kabhao-bhaono bhe kafetompaino. Mie mokekeleno wuꞌu amefohoꞌutida maiꞌao ne matano oe meowano dadi, pae nakoꞌolia.

Powoha 22:17

Rohino Lahataꞌala bhe loꞌia buꞌou hobhine maitu dopugau ambado, “Maimo!” Sasuka metingkeno naetaa napugau, “Maimo!” Sasuka mokekeleno wuꞌu naetaa namai, sasuka moindalono naetaa tanaealamo oe meowano dadi, pae nakoꞌolia.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”