Yohanes 3:21 - Muna Southern Dialect

²¹ Tamaka sasuka mie mangkafino kabanara namai ne kotilangaꞌano, neanomo natiwoha podiuno maitu nohabue noangkafi kapoindalono Lahataꞌala.”

Yohanes 3:21 Iomraidhean Croise

Yohanes 1:47

Nowoha Natanael nomai, Yesus nopugaumo ambano, “Ondoomu, anoa ini miendo Israel sakotuꞌuno, miina namande naepaha-pahaa.”

Yohanes 3:20

Sasuka humabu modaino nebansi tilanga maka miina nakumala ne kotilangaꞌano, keana notiwoha podiu modaino.

Yohanes 5:39

Hintimiu poguhuꞌaoꞌomu Kitabindo anabii, kunaꞌemiu peda aitu so kaeꞌawaꞌamiu dadi suhue dhamani. Gahaꞌaitu Kitabi andoa naꞌa nosakusiiꞌao Idi.

Yohanes 7:17

Sasuka moindalono nadhumalangi kapoindalono Lahataꞌala, namandeꞌaane bhahaꞌi kafoinaꞌuku ini nomaiꞌao ne Lahataꞌala tawa nomaiꞌao ne Wutoku.

1 Korintus 15:10

Tamaka hampano rahamatino Lahataꞌala idi ini ingka pedamo aini, maka rahamatino ne idi miina nasumia-siaꞌa. Idi padamo akahadhaa mobhie afoliuda kosasawindo rasulu, ampamo kaowu suano kaꞌosano wutoku tamaka rahamatino Lahataꞌala pobhai kanau.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Galatia 6:8

Ane doangkafi kapoindalono mbadha tantumo datumobhe dua hasilino kapoindalono mbadha, o kabinasa. Tamaka mangkafino kapoindalono Rohino Lahataꞌala datumobhe dua hasilino kapoindalono Rohino Lahataꞌala, o dadi suhue dhamani.

Efesus 5:9

Kapaꞌamo maiꞌao we mentaleaꞌano notiumba sabhaha podiu metaa, kaꞌadhili, bhe kabanara.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Filipi 2:13

Kapaꞌamo wutono Lahataꞌala kumahadhaano weo totono lalomiu, sampe undaomu bhe poolieꞌomu dhalangiomu patudhu metaano Lahataꞌala.

Kolose 1:29

Somo amooliꞌao anaꞌa, aꞌuleiꞌe laloku akahadhaa bhe apoewangi ampa kaꞌosano bukuku, hampano kuasano Kristus kumahadhaano weo totono laloku.

Ibrani 13:21

Sio-siomo Lahataꞌala kamaiꞌaoꞌano katohopono dadi, namosangkaangkoomu sabhaha metaaꞌano so dhumalangiꞌaoꞌomu kapoindalono. Sio-siomo dua weo dadintoomu Lahataꞌala naehabu podiu mekaꞌiano lalono, namangka ne Yesus Kristus. Notifekakalabhia Kristus ampa suhue dhamani. Amin.

1 Petrus 1:22

Hampano meangkaomu kafoinaꞌu banarano, totono lalomiu nomoindamo bhe nohelasimo pomoni-moniniꞌaoꞌomu. Dadiꞌanomo pomoa-moasiꞌaoꞌomu sampuu-mpuuno lalomiu.

1 Yohanes 1:6

Ane ambantoomu dodadi doseꞌise bhe Anoa, gahaꞌa dodadi weo kahohondo, ingka dokopahaomu bhe habuntoomu miina namangkafi kabanara.

3 Yohanes 1:11

Bhahitieku nemoasiꞌaoku! Koise mesandaha ne habu modai tamaka ne habu metaa. Sasuka humabu metaano, anaꞌinomo Lahataꞌala, tamaka sasuka humabu modaino miinaꞌo sepaliꞌa namandeꞌao Lahataꞌala.

Powoha 3:15

Apandeꞌaane sabhaha kahadhaamiu, hintimiu miina mohindiomua, miina mosodoomua. Gaoku mpuu mohindiomu bhahaꞌi mosodoomu!