Yohanes 21:22 - Muna Southern Dialect

²² Ambano Yesus, “Ane amoindalo anoa ini nadumadi kansuhu ampa asumuli, ingka suano nepandeꞌaomua. Ampamo kaowu hintu angkafi Idi.”

Yohanes 21:22 Iomraidhean Croise

Matius 16:24

Pada peda maitu Yesus nopugau ne anaguhuꞌino, “Laꞌae maka so mangkafi kanau tabeano nahumunsa kafaraluuno wutono, natumongku sau salipuno ⸤ maꞌanano doꞌunda mahingga damate⸥ maka namangkafi kanau.

Matius 24:27

Kapaꞌamo kahatoꞌano Anano Manusia - Idimo ini - napototo bhe bhibhito, nakosilaka te mata oleo nasumela ampa we kansoopa.

Matius 24:3

Dohato te kabhawono Zaitun Yesus nengkohamo ne itu. Domaimo anaguhuꞌino dopuga-pugau domoisa kaowu. Ambado, “Fohato kainsami bhahaꞌi naefie nakumadhadhia naꞌa? O ae bhahaa katandaino so kahatoꞌamu bhe tandano pandano dhamani?”

Matius 24:44

Dadiꞌanomo mantaa-ntaaꞌomu, kapaꞌamo Anano Manusia nahumato ne wakutuu tapa nepotu-potuluꞌao.”

Matius 25:31

“Ane namai kaowu Anano Manusia weo kakalabhiano napoowa-owa bhe kosasawindo malaꞌekatino, maka naengkoha-ngkoha te kaengkohaꞌano kumalabhiano.

Matius 8:22

Tamaka Yesus notobhoosi, “Angkafi kanau, hunsaꞌanomo mie mate dakumobuhu mie mate bhaindo.”

Markus 9:1

Ambano toha, “Amohatokoomu, kotu-kotuꞌu ne olotamiu ini nandoo so pataꞌo mateno, ane pae kadeki daoha Kafopahintaꞌano Lahataꞌala nahumato bhe kuasano.”

Yohanes 21:19

Kapugauꞌano peda anaꞌa nofohatoane nada amai so kamateꞌano Petrus, somo namekakalabhiaꞌao Lahataꞌala. Pada anaꞌa nopugaumo dua ne Petrus ambano, “Angkafimo Idi.”

Yohanes 21:21

Nowoha anoa maitu, Petrus nopugaumo ne Yesus ambano, “O ae bhahaa so netompaloino anoa ini?”

1 Korintus 11:26

Kapaꞌamo taenomo humaaꞌomu roti bhe fohoꞌuomu ne kampohoꞌuꞌa peda aini, ingka mefoleleomu bhihita mateno Ompu, ampa oleo so kahatoꞌano.

1 Korintus 4:5

Dadiꞌanomo koise paꞌindulu fobhotusiomu, antagiomu nahumato wutono Ompu. Anoa nalumengkasi sabhaha rahasia tifebunino weo kahohondo. Anoamo dua so tumalesaono sabhaha patudhu weo totono lalondo manusia. Ne naꞌamo seemie-seemie naetahima kapudhi so mantasiꞌano maiꞌao ne Lahataꞌala.

1 Tesalonika 2:19

Kapaꞌamo hintimiumo neposahunaꞌao mani, kaowulaꞌano lalo mani, kaowuleꞌa mani somo kaowoseꞌano bhake mani ne wiseno Ompuntoomu Yesus humato namai. Ane pae hintimiu, laꞌae dua?

Yakobus 5:7

Dadiꞌanomo bhahitieꞌiku, kosabahaomu ampa oleo kahatoꞌano Ompu. Mesandahaomu ne mie mekaampono, kabhalano sabahando doantagi pehapi koharagaa maiꞌaono ne wite. Dosabaha kansuhu doantagi useno bhaha bhe useno timbu.

Yakobus 5:8

Hintimiu tabeano kosabahaomu dua bhe mekatangkaomu lalomiu, kapaꞌamo oleo kahatoꞌano Ompu nomaꞌomo.

Powoha 1:7

Ondo kaitaomu, Anoa nahumato te olu kapute bhe sabhaha mie daohae, mahinggamo andoa mada kumahadae. Kosasawindo bansano liwu ne dhunia ini daoꞌaefie. Uumbe mpuu. Amin.

Powoha 2:25

Ampamo kaowu o ae toka netahimamiu, fintahakieꞌomu ampa ahumato.

Powoha 22:20

Anoa fofohatoꞌaono bhihita aini nopugau ambano, “Uumbe, apikimaimo!” Amin, maimo Hintu Ompu Yesus!

Powoha 22:7

⸤ Ambano Yesus⸥ “Tandaiꞌeomu! Apikimaimo. Dokodawua mpuu mie mangkafino sabhaha nekosuahaꞌaono anabii tibuhino weo kitabi aini.”

Powoha 3:11

Idi apikimaimo. Fintahakiomu toka netahimamiu, keana pae bhe mie so malano kawaꞌaondo fotalono so netahimamiu.