Yohanes 21:17 - Muna Southern Dialect

¹⁷ Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Yohanes 21:17 Iomraidhean Croise

Matius 25:40

Omputo anaꞌa natumobhoosi ambano, ‘Amohatokoomu, kotu-kotuꞌu sabhaha nehabumiu ne bhahitieku foliuno kandidiki ini, ingka nopototomo habueꞌomu ne Idi.’

Markus 14:72

Gahaꞌa nopobutu nokakuhua toha manu. Petrus lasao nofeꞌulai pugauno Yesus ne anoa, “Paeꞌo nahaa paku nakumakuhua manu, natolu pakumo gumaga miina mandeꞌa kanaua.” Maka noꞌae, tanokansodu-nsodumo.

Yohanes 12:8

Mie mokae sadhia dapobhai bhe hintimiu, tamaka Idi paise aeate kansuhu bhe hintimiua.”

Yohanes 13:38

Notobhoosimo Yesus, “Hintu momate kanau? Kotu-kotuꞌu amohatoko, paeꞌo nakumakuhua manu, natolu pakumo gumaga miina mandeꞌa kanau.”

Yohanes 14:15

“Ane moasi kanauꞌomu, tetewei mangkafieꞌomu sabhaha pahintaku.

Yohanes 15:10

Ane mangkafiomu pahintaku, maka meateomu weo kanini kaasiku. Pedamo dua anaꞌa Idi aeate weo kanini kaasino Amaku kapaꞌamo aangkafi pahintano.

Yohanes 16:30

Aitu tapandeꞌaanemo, Hintu pandeꞌaane bhahi-bhahiꞌae. Ingka miinamo namaraluua dameenako. Dadiꞌanomo taparasaeamo Hintu ini maiꞌao ne Lahataꞌala.”

Yohanes 18:27

Petrus fendua toha nogaga, gahaꞌa nopobutu nokakuhuamo manu.

Yohanes 18:4

Yesus nopandeꞌaanemo kosasawiꞌae so kumadhadhiaꞌano ne Wutono, dadiꞌanomo nodhulu te wise maka nopugau ambano, “Ondofiomu laꞌae bhahaa?”

Yohanes 21:18

Amohatoko, kotu-kotuꞌu nandoo kahangkuno dadimu, kamandaꞌao wutomu aamua maka takalamo ampa kapoindalomu. Tamaka nahumato kumamungkula, monsoho limamu dakumatapuangkoe bhaindo maka daowako ne kaeateꞌa tapa nepoindalomu.”

Yohanes 4:16

Ambano Yesus, “Kala saliꞌi moꞌanemu maka maiꞌomu se ini.”

Tula-tulando rasulu 1:24

Pada anaꞌa dosambaheamo ambado, “O Ompu Hintumo mandeꞌaono totono lalondo seemie-seemie! Fosusu kainsamie bhahaꞌi laꞌae ne olotando hoduano ini nepilimu,

Tula-tulando rasulu 11:10

Anaꞌa nokadhadhia sampe tolu paku maka kosasawiꞌae naꞌa notisangke toha te lani.

Tula-tulando rasulu 15:8

Lahataꞌala mandeꞌaonomo lalondo manusia, nofotiwohamo bukutii notahimamo mie suano Yahudi, kapaꞌamo nowaꞌandamo dua Rohino peda intaodiomu miendo Yahudi.

2 Korintus 1:12

Nowose bhake mani hampano totono lalo mani kumatanga-tangano nofohato kainsami putae nokotuꞌu dadi mani ne dhunia ini, ingka tadhalangie weo kangkilo bhe kahelasino lalo maiꞌaono ne Lahataꞌala, mangke-mangke dadi mani pokaiꞌano bhe hintimiu. Katidhalangiꞌano miina tamangkafi kapandedo manusia, tamaka tapasande ne rahamatino Lahataꞌala.

Efesus 4:30

Koise fekakompeahaomu lalono Rohino Lahataꞌala. Rohino Lahataꞌala ini katandainomo hintimiu fehebuano Lahataꞌala. Hampano Rohino neate weo totono lalontoomu, paemo dapoibhahaa putae ingka tetewei nahumato oleo so katifobebasiꞌanto.

1 Petrus 1:6

Dadiꞌanomo fowulaeꞌomu lalomiu, mahinggamo ampa aitu nandoo noguguhu lalomiu sebantaha, mbaꞌinomo metompaloiꞌomu sabhaha kasabha bhe kasoba.

2 Petrus 3:1

Bhahitieꞌiku timoasiꞌaono, aini o suhakumo kahaa pakuno. Ne kohaatangkeꞌae suhaku ini aꞌuleiꞌe laloku afeꞌulaiangkoomu bhahi-bhahiꞌae ini so nomoindaꞌao fekihimiu.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.

Powoha 3:19

Sasuka nemoasiꞌaoku atumangahie bhe ahumukumue; dadiꞌanomo fodadiomu lalomiu bhe fetompaꞌao podiu modaimiu.