Yohanes 21:16 - Muna Southern Dialect

¹⁶ Pada anaꞌa Yesus nofendua toha nofeena, “Simon anano Yohanes, moasi kanau bhahaa?” Ambano Petrus, “Uumbe Ompu, ingka pandeꞌaane aoasiangko.” Ambano Yesus, “Dhaganida dhumbaku.”

Yohanes 21:16 Iomraidhean Croise

Matius 2:6

‘Betlehem, ne kadieno Yehuda, hintu kotu-kotuꞌu suano liwu fofoliuno kahobu ne olotando liwu bhalaꞌino ne kadieno Yehuda, hampano namaiꞌao ne hintu namehe seemie so neangka, Anoamo so mowano umatiku Israel.’ ”

Matius 25:32

Kosasawindo bansano liwu datihompu te wiseno maka napofelesaanda, pedamo dhagano dhumba nopogaatiꞌao dhumba bhe membe.

Matius 26:72

Petrus nopugaumo toha bhe nofemata, “Mie amaitu miina amandeꞌaanea.”

Lukas 19:10

Kapaꞌamo Anano Manusia - Idimo ini - nomai naꞌumondofi bhe namosalamati mie kolilinono totono lalo.”

Yohanes 18:17

Nopugaumo hobhine dhagano fointo naꞌa ne Petrus ambano, “Ingka hintu ini anaguhuno dua mie atatu.” Ambano Petrus, “Suano!”

Yohanes 18:25

Gahaꞌa Simon Petrus nandoo neehe-ehe nehana. Ambado mie ne itu, “Ingka hintu ini seemie dua anaguhuno.”

Yohanes 21:17

Katolu pakuno Yesus nofeena toha ambano, “Simon anano Yohanes, moasi kanau bhahaa?” Simon Petrus nokompeahamo lalono nofetingke Yesus nofeenae tolu pakumo, “Moasi kanau bhahaa?” maka notobhoosimo dua ambano, “Ompu, ingka pandeꞌaane bhahi-bhahiꞌae, pandeꞌaane dua ingka aoasiangko.” Ambano Yesus, “Ondofaanda dhumbaku.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

1 Petrus 5:2

Aesalo mpuu ne hintimiu kamungkulaꞌi, ondofaandaomu umatino Lahataꞌala nefoparasaeano ne hintimiu itu. Kapaꞌamo andoa maitu kanggetumo kawaino dhumba, hintimiu o dhagano. Koise nokobuku lalomiu tamaka nahumelasi lalomiu dhumaganidaomu, noposahataa bhe kapoindalono Lahataꞌala. Koise dua ondofaandaomu so kolabaꞌaoꞌomu, tamaka kotu-kotuꞌu patudhumiu meompuniꞌidaomu.

Powoha 7:17

Kapaꞌamo Anano Dhumba ne wunta-wuntano kaengkohaꞌa kumalabhiano maitu nadhumaganida bhe namatoda se matano oe meowano dadi. Wutono Lahataꞌala namusuli luundo namopada-padae.”