Yohanes 21:15 - Muna Southern Dialect

¹⁵ Pada defebhaku nopugaumo Yesus ne Petrus ambano, “Simon anano Yohanes, kaasimu ne Idi noliuꞌe bhahaa kaasindo andoa ini ne Idi?” Notobhoosimo Petrus ambano, “Uumbe Ompu, ingka pandeꞌaane aoasiangko.” Ambano Yesus, “Dambaꞌaanda dhumbaku.”

Yohanes 21:15 Iomraidhean Croise

Matius 10:37

Laꞌae so moasiꞌaono inano bhe amano nalumiuꞌe kaasino ne Idi, pae namantasia namangkafi kanau. Laꞌae moasiꞌaono anano moꞌane tawa hobhine nalumiuꞌe kaasino ne Idi pae namantasia namangkafi kanau.

Matius 16:17

Ambano Yesus, “Kodawua sepaliꞌa Simon anano Yunus, kapaꞌamo suano manusia mohatoangkoe, tamaka Amaku te surugaa.

Matius 18:10

Tandaiꞌeomu, koe pisakidaa mie mohobu pedando ini, kapaꞌamo malaꞌekati dhumaganida sadhia dopowise bhe Amaku te surugaa.

Matius 26:33

Petrus notobhoosimo ambano, “Mahinggamo kosasawindo naohungga kaparasaendo mbaꞌinomo Hintu sampe dahumunsako, o idi paise.”

Matius 26:35

Ambano dua Petrus, “Mahinggamo amate bhe Hintu, pae sepaliꞌa agumagaa.” Anaguhuꞌino sigaoꞌano sanea dua dopugau peda naꞌa.

Markus 14:29

Ambano Petrus, “Mahingga kosasawindo ini naohungga kaparasaeandoa sampe dahumunsako, tamaka o idi paise.”

Lukas 12:32

Hintimiu pata bhabhahino, koise moteꞌiomu! Kapaꞌamo Amamiu nopoindalomo nosangkekoomu so mieno Kafopahintaꞌano.

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Yohanes 1:42

Andreas noowamo Simon ne Yesus. Yesus noꞌondo Simon bhe nopugau ambano, “Hintu Simon anano Yohanes; dakumonako Kefas, nopototo bhe Petrus ⸤ maꞌanano o kontu dempa⸥ .”

Yohanes 13:37

Ambano Simon Petrus, “Waompu, noafa so tapa kaembaliꞌano amangkafiko aitu? Idi aꞌunda amateangko.”

Yohanes 16:27

Kapaꞌamo wutono Amaku noasiangkoomu, hampano padamo moasi kanauꞌomu bhe parasaeaꞌomu putae Idi ini amaiꞌao ne Lahataꞌala.

Yohanes 21:12

Ambano Yesus, “Maimoomu defebhakuomu!” Ne olotando anaguhuꞌino maitu bhe naseemie miina bhe mokadono so meenae, “Laꞌae hintu ini?” Kapaꞌamo dopandeꞌaanemo Anoa maitu Ompu.

Yohanes 21:7

Anaguhu kamoasiꞌaono Yesus nopugaumo ne Petrus ambano, “Ingka Ompu maitua.” Nofetingke putae Ompu maitu, Simon Petrus nebhadhumo kapaꞌamo saꞌituini miina nakobhadhua, maka nopunda weo teꞌi.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Tula-tulando rasulu 20:28

Dadiꞌanomo dhagani wutomiu, dhaganieꞌomu umati marasaeano, peda dhagano dhumba noꞌondofao kadadi kakaneano. Kapaꞌamo hintimiumo nesangkeno Rohino Lahataꞌala membaliomu neangka so dhumaganino umatino Lahataꞌala. Umati andoa ini fehebuaꞌano Lahataꞌala, notolosianda heano Anano.

Tula-tulando rasulu 20:29

Apandeꞌaane dua, akumundo kaowu, o daꞌu ngkahoku fohumaano namesuakikoomu maka pae naegana-ganaa nadumai-dai kaseꞌiseno umati.

Roma 14:1

Tahimadaomu metaa-metaa bhahitieꞌi pata motangkano kaparasaea, koise foꞌalada ane poꞌalaomu fekihi.

Roma 15:1

Intaodiomu motangkano kaparasaea tabeano dakosabaha ne bhahitieꞌi monaleno kaparasaea bhe datumulumida. Koise doꞌondofi kaowu so kaoꞌiaꞌano wutontoomu.

1 Korintus 8:11

Ane peda kaowu anaꞌa ingka kapandemu nofobinasamo bhahitiemu pataꞌo motangkano kaparasaea, gahaꞌaitumo Kristus nomate dua so anoa itu.

Galatia 5:6

Kapaꞌamo doseꞌisemoomu bhe Kristus Yesus, desuna bhahaꞌi miina daesuna miinamo nakomaꞌanaa. Maraluuꞌano mpahinomo doparasaea ne Kristus bhe dofotiwohae weo kanini kaasinto ne mie bhainto.

Efesus 4:14

Intaodi ini paemo nada anaꞌi kahobu, paemo dua nada koli-koli nebhansu-bhansuleno kawea tawa newoowano solo. Maꞌanano paemo nafounda-unda sabhaha kafoinaꞌundo mie ngkowawe. Weo kangkowawendo, andoa dofekakolilino mie bhaindo.

Efesus 6:24

Sio-siomo Lahataꞌala nabarakatikoomu kosasawimiu moasiꞌaono Ompuntoomu Yesus Kristus weo kanini kaasi tapa mowoowolono.

Ibrani 13:20

Ingka Lahataꞌala padamo nofowanu Ompu Yesus maiꞌao ne mate. Hampano tuhuno heano, Anoa nembalimo Dhagano Dhumba Kumalabhiano so intaodiomu, mekamatangkanomo dua podhandiꞌa suhue dhamani nehabuno Lahataꞌala bhe intaodiomu.

Ibrani 4:13

Miina bhe dumadino notifebuni ne matano Lahataꞌala, bhahi-bhahiꞌae kanggetu delembi bhe notiwolengkasi ne wiseno. Ne Anoamo dua dapowiseꞌao wutontoomu ne sabhaha nehabunto.

1 Petrus 1:8

Mahinggamo wutono Kristus miina mohaeꞌomu, ingka moasianeomu. Ampa aitu mahingga sadaa-daa miina mohaeꞌomu, ingka sadaa-daa dua parasaeaꞌeomu. Kanandooꞌanomo moꞌiaꞌomu mpuu, kaꞌosano kawulano lalomiu naꞌa miina natikiha-kihaa.

1 Petrus 2:2

Naetaa membaliomu toha nada anaꞌi kaneꞌo lumenteno, gaono sadhia natumiti. Nadamo anaꞌa hintimiu sadhia meꞌondofiomu so otino alusumiu, neanomo dhulu kamatangka kaparasaeamiu maka sumalamatiomu.

1 Petrus 2:25

Kapaꞌamo endefiꞌini hintimiu pedamo dhumba kolilinono, tamaka ampa aitu sulimoomu ne Mie dhumaganikoomu, umondofaono alusumiu.

1 Yohanes 4:19

Intaodiomu ini dofomoasiꞌao, hampano Lahataꞌala paꞌindulumo nofomoasiꞌao.

1 Yohanes 5:1

Mie marasaeano putae Yesus maitu Omputo Fosalamatino, mie aitu anaꞌinomo Lahataꞌala. Ane doasiꞌao amano ingka teteweimo dua doasiꞌao anaꞌino.

Powoha 2:23

Mie mangkafie tetewei amongkoda maka kosasawiꞌae tombudo umati damandeꞌaane putae Idimo tumiisangino kakolalondo bhe fekihindo manusia. Idimo dua so bhoosiangkoomu seemie-seemie naposahataa bhe habumiu.