Yohanes 20:21 - Muna Southern Dialect

²¹ Nopugaumo toha Yesus ambano, “Katohopono dadi so hintimiu! Pedamo Amaku notudu kanau, atudukoomu dua kumalaomu.”

Yohanes 20:21 Iomraidhean Croise

Matius 10:16

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Matius 10:40

Laꞌae tumahimakoomu, notahimamo dua Idi; maka laꞌae tumahimano Idi, notahimamo Anoa tumudu kanau.

Lukas 24:36

Tangasano detula-tulaꞌao kadhadhia anaꞌa, Yesus tambaꞌomo neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 13:20

Amohatokoomu, kotu-kotuꞌu sasuka tumahimano mie netuduku notahimamo dua Idi, sasuka tumahimano Idi notahimamo Tumudu kanau.”

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 20:19

Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 20:22

Pada nopugau peda naꞌa nobusodamo, ambano “Tahimamo Rohino Lahataꞌala.

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 3:17

Kapaꞌamo Lahataꞌala notudu Anano we dhunia ini pae so nahumukumuꞌao dhunia, tamaka namangkamo ne Anoa, Lahataꞌala namosalamati dhunia.

Tula-tulando rasulu 1:2

ampa ne oleono katisangkeꞌano te surugaa. Miinaꞌo natisangke te surugaa, weo kuasano Rohino Lahataꞌala padamo nohunsa pahintano ne rasulu nepilino.

Tula-tulando rasulu 1:8

Ampamo kaowu, nahumato nasumampu Rohino Lahataꞌala, hintimiu meꞌawaomu kuasa, maka membaliomu sakusiiku we Yerusalem, we kadieno Yudea, we kadieno Samaria ampa we tompano dhunia.”

2 Timotius 2:2

Kafoinaꞌu nefetingkemu ne idi endefiꞌini ne wisendo mie bhahi, naetaa posahunaꞌaandae mie tiparasaea bhe mandeno moinaꞌuno mie bhaindo.

Ibrani 3:1

Dadiꞌanomo bhahitieꞌiku mongkilono toka nebhasino Lahataꞌala so menamisino surugaa! Fekihi kaitaomu nehabuno Yesus, Rasulu bhe Imamu Bhalano neparasaeantoomu.

3 Yohanes 1:14

Aposahunaꞌao naehimba dapoꞌawa toha maka daetula-tula dapowise.