Yohanes 20:19 - Muna Southern Dialect

¹⁹ Nohondo kaowu oleo ne oleono Ahadhi naꞌa, anaguhuꞌino dopohompu-hompumo ne seꞌonu lambu. Fointono padae dokunsie hampano doteꞌi miendo Yahudi. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 20:19 Iomraidhean Croise

Matius 10:13

Ane damantasi, kabarakatino kafeabhamiu naeatemo ne andoa. Tamaka ane paise, kabarakatino nasumuli ne wutomiu.

Matius 18:20

Kapaꞌamo ane dohodua tawa dototolu dopohompu-hompu weo neaku, bhemo dua Idi ne itu.”

Markus 16:14

Panda-pandano Yesus nofotiwoha Wutono ne anaguhuꞌino koompulu seemiendo, tangasano dohumaa. Nofeꞌalada mbaꞌinomo miina damarasaea, pakade notuꞌa fotundo sampe dongahe damarasaea ne mie mohae nopalusi kawanuꞌano.

Yohanes 14:27

Ahumunsaangkoomu katohopono dadi; amaꞌangkoomu katohopono dadiku. Ampamo kaowu dhalano afowaꞌao nopoꞌala bhe kofowaꞌaono dhunia. Koemo nosabha bhe nekenda-kenda handamiu.

Yohanes 16:22

Pedamo dua anaꞌa hintimiu, aitu mosabhaomu tamaka mada kaowu apowoha toha bhe hintimiu bhe naowula lalomiu. Bhe naseemie pae bhe so magoino kawulano lalomiu naꞌa.

Yohanes 16:33

Kosasawiꞌae ini afohatoangkoeꞌomu neanomo seꞌiseomu bhe Idi maka meꞌawaomu katohopono dadi. We dhunia ini meꞌawaomu kasabha, tamaka tafekatangkamo lalomiu, dhunia ataloemo.”

Yohanes 20:21

Nopugaumo toha Yesus ambano, “Katohopono dadi so hintimiu! Pedamo Amaku notudu kanau, atudukoomu dua kumalaomu.”

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Yohanes 21:1

Pada anaꞌa Yesus nofotiwohamo toha Wutono ne anaguhuꞌino ne wiwino teꞌino Tiberias. Kadhadhiano peda aini.

Yohanes 21:14

Tolu pakuꞌaomo anaꞌa Yesus nofotiwoha Wutono ne anaguhuꞌino palusi kawanuꞌano maiꞌao ne mate.

Yohanes 7:13

Tamaka bhe naseemie miina bhe mokadono dasumambilie mentalea-mentalea, hampano doteꞌi kamungkulaꞌi miendo Yahudi.

Tula-tulando rasulu 1:3

Nopalusi kakadee-dee bhe mateno, Yesus nentuhu nofotiwoha Wutono ne rasuluꞌino peda tandano kotu-kotuꞌu nodadi. Fato fuluꞌa kaomponano nobhahi pakuno dowohae, nofohatoanda Kafopahintaꞌano Lahataꞌala.

Roma 15:33

Sio-siomo Lahataꞌala kamaiꞌaoꞌano katohopono dadi napobhaiangkoomu. Amin.

1 Korintus 15:5

Pada anaꞌa nofotiwoha Wutono ne Petrus maka ne anaguhuꞌino ompulu hoduano.

Efesus 2:14

Kapaꞌamo wutono Kristus meowanomo pometaaꞌa, moseꞌiseno miendo Yahudi bhe suano Yahudi. Anoamo sumansano kahondomi kumanteeno miendo Yahudi bhe mie suano Yahudi, maꞌanano nofosalimo powengkeꞌando.

Efesus 6:23

Sio-siomo katohopono dadi, kanini kaasi bhe kaparasaea maiꞌao ne Lahataꞌala Amantoomu bhe maiꞌao ne Ompu Yesus Kristus sadhia napobhaiꞌao kosasawindo bhahitie marasaeano.

Filipi 1:2

Sio-siomo napobhaiangkoomu kabarakati bhe katohopono dadi maiꞌao ne Lahataꞌala Amantoomu bhe Ompu Yesus Kristus.

2 Tesalonika 3:16

Ompu kamaiꞌaoꞌano katohopono dadi. Sio-siomo sadhia namaꞌangkoomu katohopono dadi ne sabhaha waweno dadimiu. Sio-siomo Ompu sadhia napobhaiangkoomu.

Ibrani 7:2

Abraham nodawu kafotaloꞌano nofeompulu dawue maka sedawu nowaꞌane Melkisedek. Doangkafi neano, Melkisedek kabhao-bhaono nokomaꞌana “Omputono kabanara”, maka anoa dua omputo we Salem, maꞌanano “Omputono katohopo”.

3 Yohanes 1:14

Aposahunaꞌao naehimba dapoꞌawa toha maka daetula-tula dapowise.

Powoha 1:4

Salam aini nomaiꞌao ne Yohanes so kofitu tombuꞌae umati we kadieno Asia. Sio-siomo sadhia napobhaiangkoomu kabarakati bhe katohopono dadi nomaiꞌao ne Anoa ndumandoono, toka ndumandoono bhe so humatono, bhe nomaiꞌao dua ne kofitu bansaꞌae Rohi ne wiseno kaengkohaꞌano kumalabhiano,