Yohanes 20:1 - Muna Southern Dialect

¹ Same-samentaeno ne oleono Ahadhi, nandoo nohohondo, Maria Magdalena nokalamo we kobuhu. Gahaꞌa nowohamo kontu kaꞌontono wobhano lia kafokobuhuꞌa naꞌa padamo dodolee.

Yohanes 20:1 Iomraidhean Croise

Matius 27:56

Ne olotando andoa maitu nandoo Maria Magdalena, Maria inando Yakobus bhe Yusuf, bhe inando anaꞌino Zebedeus.

Matius 27:60

Pada aitu nofondoleemo weo kobuhu buꞌou fehebuaꞌano wutono. Kobuhu anaꞌa dopatotae ne kabhawono kontu, ⸤ dohabue peda katuno lia⸥ . Anoa nedole kontu bhalano mbali kasongkono wobhano lia maka nokala.

Matius 27:64

Dadiꞌanomo fotudumo dadhumagani metaaꞌe kobuhuno ampa tolu oleo ini. Ane paise bhahasaa domai anaguhuꞌino dambolaku maeatino maka damugau ne raꞌeati putae Yesus maitu nowanumo maiꞌao ne mate. Ane nada naꞌa, kabhohe-bhoheꞌi mbuhumaino ini nasedhuluꞌa dua kadahasino bhe maꞌinduluꞌano.”

Matius 27:66

Pada peda naꞌa dokalamo dotandai kasongkono kobuhu naꞌa keana dodiu-diuꞌe, maka detudu tantara dodhaganie.

Matius 28:1

Nopalusi oleono Sabat, saowalano kamentae ne oleono Ahadhi, Maria Magdalena bhe Maria sigaoꞌano dokalamo daꞌumondo kobuhuno Yesus.

Matius 28:2

Gahaꞌa tambaꞌomo nandoo luali moꞌosa, mbaꞌinomo seemie malaꞌekatino Ompu nosampu nomaiꞌao te surugaa, nokala nodole kontu kasongkono kobuhu maka nengkoha te wawo.

Markus 15:46

Pada aitu Yusuf neꞌolimo bhalatu moꞌalusu maka nofosampu maeatino Yesus maiꞌao te sau salipu. Pada anaꞌa nowaluanemo bhalatu saꞌituini maka nofopesuaꞌe weo kobuhu. Kobuhu anaꞌa dopatotae ne kabhawono kontu, ⸤ dohabue peda katuno lia⸥ . Mbali kasongkono wobhano lia naꞌa, nodoleane kontu bhalano.

Markus 16:9

[Nowanu kaowu, ne oleono Ahadhi kahangkowineno, kabhao-bhaonoꞌo Yesus nofotiwoha Wutono ne Maria Magdalena. Nomaiꞌao ne Maria ini, Yesus padamo nefolimba fitu bansa seetani.

Yohanes 11:38

Yesus nofenduamo nokompeaha lalono maka nohatomo se kobuhu. Kobuhu anaꞌa o lia dosongkoane kontu bhalano.

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Yohanes 19:25

Ne owano sau salipuno deehe-ehe inano Yesus bhe hobhine kakutaꞌano inano, Maria hobhineno Kleopas bhe Maria Magdalena.

Yohanes 20:26

Nopalusi alu oleo anaguhuꞌino Yesus dopohompu-hompumo toha ne lambu anaꞌa, wakutuu anaꞌa bhe Tomas dua. Fointo dopadae dokunsie. Gahaꞌa tanosihatoꞌamo Yesus neehe-ehe ne wunta-wuntando bhe nopugau ambano, “Katohopono dadi so hintimiu!”

Tula-tulando rasulu 20:7

Ne alono Ahadhi tapohompu-hompumo tapoharoa. Paulus nopuga-pugaumo bhe bhahitieꞌi ne itu hampano patudhuno namentae nakumalamo toha. Puga-pugauno maitu tanofewuntaꞌi alo.

1 Korintus 16:2

Seꞌo-seꞌoleono Ahadhi, seemie-seemie naegaati dhoi seendai, naposahataa bhe hasilino. Dhoi anaꞌa hunsaeꞌomu, neanomo humato amai tokamo natifoꞌonu.

Powoha 1:10

Ne oleono Ompu nokabhinti kanau Rohino Lahataꞌala maka nomaiꞌao we kundoku afetingke suaha nondii sepaliꞌa tapedamo duhulele bhalano.