Yohanes 2:11 - Muna Southern Dialect

¹¹ Kadhadhia aini tanda timenteꞌaono kabhao-bhaonomo nehabuno Yesus; nokadhadhia we liwuno Kana kadieno Galilea. Pedamo aini Yesus nofotiwoha kakalabhiano sampe anaguhuꞌino doparasaeaꞌemo.

Yohanes 2:11 Iomraidhean Croise

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 1:17

Tubhono agama Yahudi dotahimaeꞌomu ne anabii Musa, tamaka kanini kaasi bhe kabanara notiwoha ne Yesus Kristus.

Yohanes 1:43

Hato nomentae Yesus neꞌonumo lalono nokala we kadieno Galilea. Ne naꞌa nopoꞌawa bhe Filipus maka nosaliꞌie, “Mai angkafi kanau!”

Yohanes 1:50

Ambano Yesus, “Ingka padamo afohatoko awohako we pandano puꞌuno ara. Kaparasaeaꞌamumo bhahaa? Namada kaowu sadhulu kabhala kadhadhia so newohamu.”

Yohanes 10:41

Dobhahi mie maiꞌie bhe dopugau ambado, “Daanumo Yohanes miina sepaliꞌa naehabu tanda timenteꞌaono, tamaka kosasawiꞌae nepulaoꞌaono ne mie aini nokotuꞌu.”

Yohanes 11:15

Tamaka aoꞌia miina bhe Idia ne naꞌa, kapaꞌamo netaamo peda naꞌa so hintimiu, neanomo poguhuomu marasaeaꞌomu. Maimoomu dokalaanaomu we anoa.”

Yohanes 11:47

Dadiꞌanomo neangkaꞌindo imamu bhe miendo Farisi dofohompumo Sahano Agama bhe dopugau ambado, “Daeafaꞌimoomu bhahaa? Ingka mie amaitu nobhahi sepaliꞌa nehabu tanda timenteꞌaono.

Yohanes 12:18

Dadiꞌanomo mie bhahi ne itu dokalamo dosumpuiꞌe, hampano dofetingke Anoamo humabuno tanda timenteꞌaono naꞌa.

Yohanes 12:37

Mahinggamo Yesus nobhahimo sepaliꞌa nofotiwohaanda tanda timenteꞌaono, tamaka miina dua damarasaea ne Anoa.

Yohanes 12:41

Yesaya nopugau peda ini mbaꞌinomo nowohae kakalabhiano Yesus bhe padamo dua nokowambaane.

Yohanes 14:13

O ae maka dua kamesalomiu weo neaku, amangkafie, neanomo kakalabhiano Amaku natiwohamo ne Anano.

Yohanes 16:27

Kapaꞌamo wutono Amaku noasiangkoomu, hampano padamo moasi kanauꞌomu bhe parasaeaꞌomu putae Idi ini amaiꞌao ne Lahataꞌala.

Yohanes 16:30

Aitu tapandeꞌaanemo, Hintu pandeꞌaane bhahi-bhahiꞌae. Ingka miinamo namaraluua dameenako. Dadiꞌanomo taparasaeamo Hintu ini maiꞌao ne Lahataꞌala.”

Yohanes 2:1

Nopooli tolu oleo nandoo hame-hameno kagaa we liwuno Kana we kadieno Galilea. Ne naꞌa bhe inano Yesus dua.

Yohanes 2:23

Tangasano Yesus we Yerusalem ne hohaeaꞌano Paska dobhahi mie marasaeano ne Anoa, hampano dowohamo tanda timenteꞌaono nehabuno.

Yohanes 3:2

Nohondo oleo, nokalamo nopoꞌawaꞌao Yesus. Ambano, “Guru, tapandeꞌaane Hintu guru katuduno Lahataꞌala. Kapaꞌamo bhe naseemie pae bhe mandeno mehabuno tanda-tanda timenteꞌaono nehabumu itu, ane pae napobhaiane Lahataꞌala.”

Yohanes 4:3

Nopandeꞌaane kaowu miendo Farisi dofetingkemo peda anaꞌa, Yesus nohunsamo kadieno Yudea maka nosuli we kadieno Galilea.

Yohanes 4:46

Palusi anaꞌa Yesus nosulimo toha we liwuno Kana kadieno Galilea, kaebhaliiꞌano oe nembali angguru endefiꞌini. Ne itu nandoo seemie moꞌane tungguno kamali, nosaki anano we liwuno Kapernaum.

Yohanes 4:54

Ainiꞌaemo tanda kahaa pakuno nehabuno Yesus wakutuuno nosuli we Galilea nomaiꞌao we Yudea.

Yohanes 5:23

neanomo sabhaha mie damosibhala Anano napototo bhe Amano. Sasuka tapa mosibhalano Anano, anoa miina dua namosibhala Amano tumuduno Anano.

Yohanes 6:14

Dowoha kaowu tanda timenteꞌaono nehabuno Yesus maitu, dopugaumo mie bhahi ambado, “Kotu-kotuꞌu Anoa ini anabii ⸤ nepodhandiꞌao weo Kitabi⸥ so humatono we dhunia ini.”

Yohanes 6:2

Mie bhahi dobhatompa doangkafie hampano padamo dowoha tanda timenteꞌaono nefekaꞌosa mie mosaki.

Yohanes 6:26

Yesus notobhoosida ambano, “Amohatokoomu, kotu-kotuꞌu hintimiu ondofi kanauꞌomu suano mbaꞌinomo losangiomu maꞌanano tanda timenteꞌaono, tamaka mbaꞌinomo padamo humaaꞌomu roti ampa moweꞌiomu.

Yohanes 6:30

Maka ambado toha, “Mehabu kainsami tanda ae bhahaa, tamohaꞌao bhe tamarasaeaꞌao ne hintu? Kahadhaa ae bhahaa so nehabumu?

Yohanes 7:31

Ne olotando mie bhahi maitu nandoo dobhahi dua marasaeano ne Anoa. Ambado, “Ane nahumato Mesias, bhahaa nalumiuꞌe dua kabhahino tanda-tanda timenteꞌaono nehabuno Anoa ini?”

Yohanes 9:16

Seemie hodua miendo Farisi dopugaumo ambado, “Tetewei mie anaꞌa miina namaiꞌao ne Lahataꞌala, kapaꞌamo miina namiarae oleono Sabat.” Sigaꞌa dopugau dua ambado, “Nada amai bhahaa mie kodhosa nehabu tanda timenteꞌaono peda ini?” Sampe dewalamo dopotaga-tagali sapada-pada andoa.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 4:17

Kapaꞌamo kasabha mosape sebantahano ini, naeowa kainsami kakalabhia suhue dhamani pata tikiha-kihano, sabhaha kasabha mani ini paemo bhe maꞌa-maꞌananoa.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

1 Yohanes 5:13

Bhahi-bhahiꞌae ini abuhiangkoeꞌomu so hintimiu marasaeano ne Anano Lahataꞌala, neanomo mandeꞌaaneomu ingka meꞌawamoomu dadi suhue dhamani.