Yohanes 19:9 - Muna Southern Dialect

⁹ Nopesuamo toha weo kamali bhe nopugau ambano, “Maiꞌao ne amai gahaꞌa?” Tamaka Yesus miina natumobhoosiea.

Yohanes 19:9 Iomraidhean Croise

Matius 26:63

Tamaka Yesus miina nakodiua. Nopugaumo dua Imamu Bhalano ne Yesus ambano, “Aitu bhe Lahataꞌala foꞌondo-ondono, fohato kainsami, hintumo ini Omputo Fosalamatino Anano Lahataꞌala bhahaꞌi suano!”

Matius 27:27

Pada anaꞌa tantaraꞌino gubernur doowamo Yesus se kamalino kaebhotusiꞌa parakara, maka kosasawindo tantara doloꞌoida dapohompu-hompu dolibu-libu Yesus.

Lukas 23:9

Nobhahi nefeenaꞌaono ne Yesus, tamaka Yesus miina sepaliꞌa natumobhoosiea.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Yohanes 18:33

Pilatus nosulimo weo kamali, nobhasimo Yesus maka nofeenae ambano, “Nokotuꞌu bhahaa hintumo ini Omputo miendo Yahudi?”

Yohanes 18:34

Ambano Yesus, “Kafeenamu naꞌa nomaiꞌao ne wutomu, kaa dofohatoko dua bhaindo?”

Yohanes 18:37

Ambano dua Pilatus, “Gahaꞌa nokotuꞌu hintu ini omputo?” Ambano Yesus, “Ingka ambamu hintu Idi ini omputo. Patudhuno kalenteꞌaku bhe kahatoꞌaku ne dhunia ini, asumakusiiꞌao kabanara. Sasuka mie tumaino ne kabanara, nametingke suahaku.”

Yohanes 19:10

Nopugaumo Pilatus ambano, “Gahaꞌa kiido pugau bhe idi? Miina mandeꞌaanea bhahaa, idi inia akokuasa amolapako, akokuasa dua akumantaiko te sau salipu?”

Yohanes 19:8

Nofetingke pugau anaꞌa Pilatus dhulu kateꞌino.

Yohanes 8:14

Yesus notobhoosidamo ambano, “Mahinggamo aembali sakusiino Wutoku, wambaku ini nokotuꞌu, hampano apandeꞌaane kamaiꞌaoꞌaku bhe so kakalaꞌaku. Tamaka hintimiu ini miina mandeꞌaaneomua kamaiꞌaoꞌaku bhe so kakalaꞌaku.

Filipi 1:28

Koe tihandaomu ne mie mewangikoomu, sadhia fekatangka lalomiu. Poewangiꞌamiu naꞌa somo katandaino andoa dabinasamo, hintimiu sumalamatiomu. Kosasawiꞌae naꞌa nomaiꞌao ne Lahataꞌala.