Yohanes 19:35 - Muna Southern Dialect

³⁵ Mie mohaꞌaono wuntano matano nosakusiiꞌao kadhadhia amaitu, neanomo hintimiu ⸤ mebasano bhe metingkeno⸥ marasaeaꞌomu dua. Kasakusiino naꞌa nokotuꞌu, nopandeꞌaane dua wutono nokotuꞌu daano.

Yohanes 19:35 Iomraidhean Croise

Yohanes 11:15

Tamaka aoꞌia miina bhe Idia ne naꞌa, kapaꞌamo netaamo peda naꞌa so hintimiu, neanomo poguhuomu marasaeaꞌomu. Maimoomu dokalaanaomu we anoa.”

Yohanes 11:42

Apandeꞌaane sadhia fetingke kanau, tamaka kapugauꞌaku ini so mie lumibu-libu kanau ini neanomo damarasaea Hintumo tumudu kanau.”

Yohanes 14:29

Aitu afohatoangkoemoomu, tinangke miinaꞌo nakumadhadhia, neanomo nakumadhadhia kaowu marasaeamoomu.

Yohanes 15:27

Pedamo dua hintimiu, tetewei dua sumakusii kanauꞌomu, kapaꞌamo pobhai kanauꞌomu mpini kabhao-bhaono.”

Yohanes 19:26

Nowoha inano bhe anaguhu kamoasiꞌaono, Yesus nopugaumo ne inano ambano, “Ina, aituꞌaemo anamu!”

Yohanes 20:31

Ampamo kaowu kosasawiꞌae ini padamo dobuhie neanomo hintimiu ⸤ mebasano bhe metingkeno⸥ marasaeaꞌomu putae Yesus maitu Omputo Fosalamatino, Anano Lahataꞌala; neanomo dua hampano kaparasaeamiu ne Anoa meꞌawaomu dadi.

Yohanes 21:24

Anaguhumo aini sumakusiiꞌaono kosasawiꞌae kadhadhia aini. Padamo dua nobuhie, bhe dopandeꞌaaneomu kasakusiino nokotuꞌu.

Tula-tulando rasulu 10:39

Insaodimo ini sakusiino sabhaha nehabuno we witeno Yudea bhe we Yerusalem, tamaka dopongkoe, dokantaiꞌe te sau salipu.

Roma 15:4

Hampano bhahi-bhahiꞌae tibuhino weo Kitabi endefiꞌini, ingka saneamo so kafoinaꞌuntoomu, neanomo namangka ne kafoinaꞌuno Kitabi dakosabaha dapotaami bhe natilawesi lalontoomu. Ane nada anaꞌa kaposahunaꞌaontoomu ne Lahataꞌala sedhuluꞌa dua kamatangkano.

1 Petrus 5:1

Nandoo kamesaloku ne kamungkulaꞌi neangkando umati. Kaebuhiꞌaku peda aini, ingka idi ini seemie dua kamungkulaꞌindo umati peda hintimiu, pakade awohaꞌao wuntano mataku kakadee-deeno Kristus. Nahumato tempono natiwoha kakalabhiano Kristus, ingka aeꞌawa dua dawu weo kakalabhiano naꞌa.

1 Yohanes 5:13

Bhahi-bhahiꞌae ini abuhiangkoeꞌomu so hintimiu marasaeano ne Anano Lahataꞌala, neanomo mandeꞌaaneomu ingka meꞌawamoomu dadi suhue dhamani.

3 Yohanes 1:12

Tamaka Demetrius, ingka kosasawindo umati dopudhie; daanumo ne dadino notiwohamo sepaliꞌa noangkafi kabanara. Insaodi tasakusiiane dua tapudhi habu metaano, maka ingka pandeꞌaane kasakusii mani ini nokotuꞌu.