Yohanes 19:11 - Muna Southern Dialect

¹¹ Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Yohanes 19:11 Iomraidhean Croise

Matius 26:65

Nofetingke peda naꞌa Imamu Bhalano lasao nopobhensiꞌao pakeano bhe nopugau ambano, “Aitumaka! Mie aini ingka nofekaꞌaebumo Lahataꞌala, nopototoꞌao wutono bhe Lahataꞌala! So dua ae gahaꞌa daeꞌondofi sakusii? Ingka fetingkeemoomu naꞌa.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Matius 6:13

Koise folapasa kainsami weo kasoba, tamaka dhagani kainsami ne kuasa modai. [Kapaꞌamo Hintumo mahintano, kokuasano bhe kumalabhiano ampa suhue dhamani. Amin.]’

Markus 14:44

Yudas padamo nofohatoanda tanda peda aini, “O mie so newonoku, anoamo itu. Hakomoomu, wowoꞌoeꞌomu tamaka fekataa dhaganieꞌomua.”

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Yohanes 18:13

Kabhao-bhaono Yesus doowae ne Hanas, kamungkula poniano Kayafas. Kayafas naꞌa membalino Imamu Bhalano taꞌu aitu.

Yohanes 18:3

Dadiꞌanomo Yudas nokalamo dua te naꞌa, newowoꞌo setagua tantara bhe dhagaꞌino Lambuno Lahataꞌala katudundo neangkaꞌindo imamu bhe miendo Farisi. Andoa ini detagu bhe kantalea, kaꞌula bhe ewangando.

Yohanes 19:10

Nopugaumo Pilatus ambano, “Gahaꞌa kiido pugau bhe idi? Miina mandeꞌaanea bhahaa, idi inia akokuasa amolapako, akokuasa dua akumantaiko te sau salipu?”

Yohanes 3:27

Ambano Yohanes, “O ae maka dua neꞌawano seemie manusia, o kadawu maiꞌao ne Lahataꞌala.

Yohanes 7:30

Ne naꞌa o mie dokopatudhu dahumakoe, tamaka bhe naseemie miina bhe dumingkue, hampano miinaꞌo nahumato tempono.

Yohanes 9:41

Ambano Yesus, “Ane kotu-kotuꞌu mobuntoomu pae kodhosaomua, tamaka hampano ambamiu fowohaomu, dadiꞌanomo dhosamiu sadaa-daa.”

Tula-tulando rasulu 2:23

Noposahataa bhe patudhuno bhe kalentuno Wutono, Lahataꞌala nobhotusiemo nofolapasaangkoeꞌomu. Tamaka hintimiu katahoeꞌomu ne bansando mie modai dokantaiꞌe te sau salipu bhe dopongkoe.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

Tula-tulando rasulu 4:28

Andoa ini dodhalangimo kosasawiꞌae nefotantumu mpini kabhao-bhaono hampano kuasa bhe kapoindalomu Wutomu.

Roma 11:36

Kapaꞌamo bhahi-bhahiꞌae nomaiꞌao ne Anoa, nonandoo hampano Anoa, bhe nasumuli dua ne Anoa. Notifosibhala mpuu Lahataꞌala ampa suhue dhamani! Amin.

Roma 13:1

Seemie-seemie tabeano datumuhu ne pamarinta kokuasano, kapaꞌamo miina bhe pamarinta tapa mealano kapooli ne Lahataꞌala. Sabhaha pamarinta ndumandooꞌano nosangkeda Lahataꞌala.

Yakobus 1:17

Sabhaha kawaꞌao metaa bhe kadawu sumangka nomaiꞌao te surugaa, nofosampue Amantoomu mokonandoono sabhaha kantalea te lani. Anoamo Lahataꞌala tapa tibhaliino, tapa dua meowano ondula mohohondono mebhali-bhaliino.

Yakobus 4:17

Dadiꞌanomo ane seemie nopandeꞌaanemo habu metaa so nehabuno, tamaka miina nadhumalangiea, ingka nokodhosamo.