Yohanes 18:8 - Muna Southern Dialect

⁸ Ambano Yesus, “Ingka padamo afohatokoomu Idimo ini. Ane ondofiomu Idi, hunsaꞌanomo andoa ini dokalaꞌao.”

Yohanes 18:8 Iomraidhean Croise

Matius 26:56

Ampamo kaowu kosasawiꞌae ini nokadhadhia so nokoꞌulaꞌao tibuhiꞌano weo Kitabindo ana-anabii.” Pada aitu kosasawindo anaguhuꞌino dofileimo tadohunsae nomoisa.

Yohanes 10:28

Andoa awaꞌanda dadi suhue dhamani, tetewei pae dabinasaa suhue dhamani bhe naseemie pae bhe so magoida maiꞌao ne limaku.

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 13:36

Nopugaumo Simon Petrus ne Yesus ambano, “Waompu, kumala ne amai gahaꞌa?” Ambano Yesus, “We kahopeꞌaku paise naembalia mangkafi kanau aitu, tamaka mada kaowu mangkafi kanau.”

Yohanes 16:32

Nahumato tempono, ingka aitu nohatomo, hintimiu dagumasakoomu. Seemie-seemie nasumuli we lambuno humunsa kanauꞌomu taꞌamoisa. Gahaꞌa Idi miina amoisaa, kapaꞌamo Amaku nopobhai kanau.

Yohanes 18:7

Yesus nofeenadamo toha ambano, “Ondofiomu laꞌae bhahaa?” Ambado, “Yesus miendo Nasaret.”

Yohanes 18:9

Kanandooꞌano peda aini somo nokoꞌulaꞌao wambano, “Ama, kosasawindo mie kawaꞌaomu ne Idi, bhe naseemie miina bhe binasano.”

1 Korintus 10:13

Sabhaha kasoba netompaloimiu saneamo kasoba moneaꞌano netompaloindo manusia. Lahataꞌala nokampuu-mpuu ne dhandino, paise nakumatahokoomu meꞌawaomu kasoba sampe nalumiuꞌe kaꞌosamiua. Ane metompaloiꞌomu kasoba tetewei namaꞌangkoomu dua dhala, sampe naembali potaamiomu.

2 Korintus 12:9

Tamaka Ompu tanotobhoosi, “Nefaraluumu mpahinomo rahamatiku, kapaꞌamo kuasaku kaneꞌo nasumangka ane manusia nonale.” Dadiꞌanomo aoꞌia asangke-sangke wutoku afotiwoha kanaleku ini, neanomo sadhia nakumaolumi kanau kuasano Kristus.

Efesus 5:25

Hintimiu moꞌane, moasianeomu hobhinemiu pedamo Kristus noasiꞌao umatino, nofotawakalaanda Wutono sampe nomateanda.

1 Petrus 5:7

Fopulie sabhaha kasabhamu ne Lahataꞌala, kapaꞌamo Anoamo umondofaono dadimu.