Yohanes 18:13 - Muna Southern Dialect

¹³ Kabhao-bhaono Yesus doowae ne Hanas, kamungkula poniano Kayafas. Kayafas naꞌa membalino Imamu Bhalano taꞌu aitu.

Yohanes 18:13 Iomraidhean Croise

Matius 26:3

Wakutuu aitu neangkaꞌindo imamu bhe kamungkulaꞌindo Yahudi dopohompu-hompu we lambuno Imamu Bhalano koneaꞌano Kayafas.

Matius 26:57

Pada dohakoe, Yesus dowowoꞌoemo te wiseno Imamu Bhalano koneaꞌano Kayafas. Ne itu dohompumo pande-pande Kitabi bhe kamu-kamungkulaꞌi miendo Yahudi.

Lukas 3:2

Wakutuu anaꞌa Imamu Bhalano Hanas bhe Kayafas. Ne taꞌumo anaꞌa Lahataꞌala nokobhoasaomo ne Yohanes anano Zakaria we pandaso bhalano.

Yohanes 11:49

Ne olotando maitu nandoo seemie neano Kayafas, o Imamu Bhalano ne taꞌu aitu. Nopugaumo ambano, “Hintimiu ini miina konipandeꞌaoꞌomua.

Yohanes 11:51

Kapugauꞌano peda maitu miina namaiꞌao ne wutonoa, tamaka hampano nembali Imamu Bhalano ne taꞌu aitu, nokosuaha peda anabii putae Yesus namate so raꞌeati maitu.

Yohanes 18:24

Pada anaꞌa Hanas nofotudumo damowa Yesus ne Imamu Bhalano Kayafas, daa-daaꞌe bhe katapuno.

Yohanes 18:28

Nandoo same-samentaeno dowowoꞌomo Yesus maiꞌao we lambuno Kayafas we kamalino gubernur. Miendo Yahudi dokiido damesua weo kamali naꞌa, keana dokodengo weo tubhono agamando. Kapaꞌamo gaondo daomaa haroano Paska.

Yohanes 19:11

Notobhoosimo Yesus ambano, “Hintu ini miina sepaliꞌa kokuasa ne Idi ini, ane kuasa anaꞌa pae namaꞌangkoe Lahataꞌala. Dadiꞌanomo mie mowa kanau ne limamu, nobhala dhosano anoa bhe hintua.”

Tula-tulando rasulu 4:6

Imamu Bhalano koneaꞌano Hanas, Kayafas, Yohanes bhe Aleksander bhe mie sigaoꞌano dua sampuꞌando Imamu Bhalano, dohompu bhe kamungkulaꞌi naꞌa.