Yohanes 18:12 - Muna Southern Dialect

¹² Pada anaꞌa taguando tantara bhe neangkando dopoowa bhe dhagaꞌi katuduno miendo Yahudi dohakomo Yesus maka dokatapue.

Yohanes 18:12 Iomraidhean Croise

Matius 26:57

Pada dohakoe, Yesus dowowoꞌoemo te wiseno Imamu Bhalano koneaꞌano Kayafas. Ne itu dohompumo pande-pande Kitabi bhe kamu-kamungkulaꞌi miendo Yahudi.

Matius 27:2

Dadiꞌanomo Yesus dokatapuanemo hante maka dowowoꞌoe, dofoowae ne wiseno Pilatus, gubernur ne kadie aitu.

Matius 27:27

Pada anaꞌa tantaraꞌino gubernur doowamo Yesus se kamalino kaebhotusiꞌa parakara, maka kosasawindo tantara doloꞌoida dapohompu-hompu dolibu-libu Yesus.

Markus 14:53

Pada anaꞌa Yesus doowaemo we lambuno Imamu Bhalano. Kosasawindo neangkaꞌindo imamu, kamungkulaꞌi bhe pande-pande Kitabi dohompu ne itu.

Markus 15:1

Nohaha kamentae neangkaꞌindo imamu, kamu-kamungkulaꞌi, pande-pande Kitabi bhe kosasawindo Sahano Agama noseꞌisemo fekihindo. Yesus dotapuemo maka doowae ne wiseno Pilatus.

Lukas 22:54

Pada anaꞌa Yesus dohakoemo maka dowowoꞌoe we lambuno Imamu Bhalano. Petrus noangka-angka mbonoda.

Yohanes 18:3

Dadiꞌanomo Yudas nokalamo dua te naꞌa, newowoꞌo setagua tantara bhe dhagaꞌino Lambuno Lahataꞌala katudundo neangkaꞌindo imamu bhe miendo Farisi. Andoa ini detagu bhe kantalea, kaꞌula bhe ewangando.

Tula-tulando rasulu 10:1

We Kaisarea nandoo seemie suano Yahudi koneaꞌano Kornelius, anoa ini neangkando tantara. Kaseꞌisendo tantara nepandeꞌaono dokonae “Taguano Italia”.

Tula-tulando rasulu 21:31

Tangasano dosoba-soba damongkoe, gahaꞌa panglimano tantara Roma nofetingkemo bhihita kosekotaꞌae Yerusalem tadohialelemo.

Tula-tulando rasulu 21:37

Damesua kaowu weo bente, Paulus nopugaumo ne panglima maitu ambano, “Naembali bhahaa amugau ne hintu?” Ambano panglima naꞌa, “Pande gahaꞌa wamba Yunani?

Tula-tulando rasulu 23:10

Nodhulu kaꞌosa kapowengkendo sampe panglima noteꞌimo bhahasaa dogogawi Paulus. Dadiꞌanomo netudumo tantara dasumampu daꞌumuleiꞌe maka dasumuliane te bente.