Yohanes 17:9 - Muna Southern Dialect

⁹ Idi asambahea so andoa. Miina asumambahea so dhunia, tamaka so andoa newaꞌaomu ne Idi, kapaꞌamo andoa maitu fehebuaꞌamu.

Yohanes 17:9 Iomraidhean Croise

Lukas 22:32

Tamaka Idi padamo asambaheaꞌangko keana nosali kaparasaeamu. Nasumuli kaowu lalomu, fekatangkada lalondo bhahitieꞌimu.”

Lukas 23:34

Nopugaumo Yesus ambano, “Ama, amponida kapaꞌamo miina damandeꞌaanea nehabundo.” O tantara dodawu-dawumo pakeano, dopodaduane mbali notipandeꞌaoane dawuno seemie-seemie.

Lukas 8:34

Sadowoha kadhadhia aitu, dhagaꞌino wewi ⸤ kakanea⸥ naꞌa lasao dofilei defolele bhihita we kota bhe liwu-liwu momaꞌoꞌano.

Yohanes 14:16

Aesaloangkoomu ne Amaku, maka namaꞌangkoomu Fotulumino sigaoꞌano somo pobhaiangkoomu suhue dhamani.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 17:20

Idi miina kaowu asumambahea so andoa ini, tamaka asambahea dua so kosasawindo mie marasaeano ne Idi mada kaowu hampano bhihita nefolelendo.

Yohanes 17:6

Hintu padamo afotipandeꞌaangko ne kosasawindo mie kawaꞌaomu ne Idi maiꞌao ne dhunia ini. Andoa maitu fehebuaꞌamu, padamo waꞌa kanauda maka doangkafi wambamu.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 6:39

Kapoindalono Tumudu kanau peda aini, kosasawindo newaꞌaono ne Idi paise bhe so tiuluꞌano, tamaka amodadida ne Oleono Kiama.

Ibrani 7:25

Dadiꞌanomo Yesus nopooli nofosangka mpuu kasalamatindo manusia maino ne Lahataꞌala doangka ne Anoa. Kapaꞌamo Anoa nodadi suhue dhamani mbalimo fosambaheaꞌaono ne Lahataꞌala.

Ibrani 9:24

Kapaꞌamo Kristus miina namesua weo Boloku Foliuno Kangkilo nehabundo manusia, membalino kaowu sandahano Boloku Foliuno Kangkilo sakotuꞌuno ⸤ te surugaa⸥ , tamaka Kristus nopesuamo te puuno surugaa, ampa aitu nofewise ne Lahataꞌala so sabhaha kafaraluuntoomu.

1 Yohanes 5:19

Ingka dopandeꞌaanemo intaodiomu ini fehebuaꞌano Lahataꞌala, tamaka kosekaꞌewaꞌae dhunia ini nokuasaiꞌe Kafeompuꞌando seetani.

Powoha 12:9

Naga bhalano maitu doꞌohoe we simbali! Anoamo itu ule ngkamukula, neano dokonae Kafeompuꞌando seetani tawa Kolakindo rohi modai, mekakolilinono kosedhuniaꞌae. Anoa doꞌohoe we dhunia dopoowa-owa bhe malaꞌekatino sabhangkaꞌino.

Powoha 13:8

Kosasawindo mie meateno we dhunia dasumomba ne anoa. Miemo andoa ini, mpini pakatifokonandoono dhunia, miina natibuhia neando weo Kitabindo Mie Dumadi, fehebuaꞌano Anano Dhumba toka nesumbele.

Powoha 20:15

Sasuka mie tapa tibuhino nea weo Kitabindo Mie Dumadi maitu, doꞌohoda weo kantobhano efi bhalano.