Yohanes 17:24 - Muna Southern Dialect

²⁴ Ama, gaoku mpuu ne amai kaeateꞌaku, somo dua kaeateꞌando mie kawaꞌaomu ne Idi, dapobhai kanau. Ane nada anaꞌa damoha kakalabhiaku. Kakalabhia anaꞌa waꞌa kanauꞌe kapaꞌamo moasi kanau mpini miinaꞌo natifokonandoo dhunia.

Yohanes 17:24 Iomraidhean Croise

Matius 25:21

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:23

Ambano kafeompuꞌa naꞌa, ‘Nokesa sepaliꞌa itua, hintu bhatua metaano bhe tumuhuno lalo. Notuhu lalomu ne taka mohobu, maka amosahunaꞌaangkomo taka bhalano. Pesuamo weo hame-hameku, pehapiꞌo dua bhe hintu kaꞌiaku ini.’

Matius 25:34

Omputo anaꞌa napugau ne mie we suanano ambano, ‘Maimoomu, hintimiu nebarakatino Amaku, tahimamoomu Kafopahintaꞌa toka nefontaa-ntaano so hintimiu mpini pakatifokonandoono dhunia.

Matius 26:29

Amohatokoomu, notanda aitu paemo aohoꞌua angguru ampa oleono aohoꞌu angguru buꞌou, apoowa-owa bhe hintimiu weo Kafopahintaꞌano Amaku.”

Lukas 12:37

Dokodawua mpuu bhatua nehatofino kafeompuꞌando nandoo demboto bhe dodhaga. Amohatokoomu, kotu-kotuꞌu kafeompuꞌa aitu nalumoli pakeano maka napugauanda bhatuano naꞌa daengkoha bhe naetaganaanda daomaa.

Lukas 23:43

Nopugaumo Yesus ambano, “Amohatoko, seꞌoleo itu dua hintu pobhai kanau te surugaa.”

Yohanes 1:14

Bhoasao amaitu nembalimo manusia neate bhe intaodiomu; dowohaemoomu kakalabhiano, dadino noponoꞌao kanini kaasi bhe kabanara. Kakalabhia naꞌa notahimae peda seemie Ana Kaenseemieno Lahataꞌala.

Yohanes 12:26

Laꞌae so umondofa kanau, tetewei namangkafi kanau. Ne amai kahatoꞌaku, ne ituꞌaemo dua so kahatoꞌano anoa. Laꞌae so umondofa kanau namosibhalae Amaku.

Yohanes 14:3

Mada kaowu akumala aefontaa-ntaaꞌangkoomu kaeateꞌa, asumuli aꞌumuleikoomu, neanomo ne amai kaeateꞌaku, somo dua kaeateꞌamiu.

Yohanes 15:9

“Amaku noasi kanau, Idi aoasiangkoomu dua. Meateomu weo kanini kaasiku ini.

Yohanes 17:2

Kapaꞌamo ingka Anamu padamo waꞌane kuasa ne kosasawindo manusia, neanomo Anamu namaꞌanda dadi suhue dhamani ne kosasawindo manusia toka newaꞌaomu ne Anoa.

Yohanes 17:22

Padamo awaꞌanda kakalabhia kawaꞌaomu ne Idi, neanomo andoa daseꞌise, pedamo Intaodi doseꞌise dua.

Yohanes 17:5

Dadiꞌanomo Ama, waꞌa kanau toha kakalabhiaku ne sohihimu, napototo bhe kakalabhiaku ne sohihimu endefiꞌini, miinaꞌo natifokonandoo dhunia.

Yohanes 6:37

Kosasawindo newaꞌaono Amaku ne Idi damai se Idi, maka sasuka maino se Idi paise agumihada.

Yohanes 6:39

Kapoindalono Tumudu kanau peda aini, kosasawindo newaꞌaono ne Idi paise bhe so tiuluꞌano, tamaka amodadida ne Oleono Kiama.

Yohanes 8:58

Ambano Yesus, “Amohatokoomu, kotu-kotuꞌu miinaꞌo bhe Abraham, IDI NDUMANDOONO anandoomo.”

1 Korintus 13:12

Ampa aitu tapedamo deꞌondo-ondoomu ondula pata mentalea weo paeasa mohawu, tamaka namada kaowu dapowise. Ampa aitu kapandeku miinaꞌo nasumangkaa, tamaka namada kaowu kapandeku naoponomo, pedamo wutono Lahataꞌala nosangka mpuu nopandeꞌa kanau.

2 Korintus 3:18

Ampa aitu kosasawintoomu ini sanea tapa mekantutuno, ulantoomu miina natidapohia, tapedamo paeasa motiwohano kakalabhiano Ompu. Kanandooꞌanomo intaodiomu dotibhaliiꞌomu dhulu kapototo bhe ulano Wutono, dhulu kaompona dhulu kakalabhia. Kakalabhia amaitu ingka nomaiꞌao ne Ompu, Rohinomo Lahataꞌala.

2 Korintus 4:6

Kapaꞌamo Lahataꞌala padamo nokobhoasao, “Nobheteꞌo toha tilanga weo kahohondo.” Ingka Anoamo dua mobheteno tilangano weo totono lalontoomu, neanomo naentalea fekihintoomu so dalumosangiꞌao kakalabhiano Lahataꞌala kotilangano ne ulano Kristus.

2 Korintus 5:8

Dadiꞌanomo notangka totono lalo mani, tanamisie naetaamo tagumampi maiꞌao ne mbadha kasara ini maka taeate bhe Ompu.

Filipi 1:23

Kohaahondaꞌae ini dopohela kanau: gaoku ahumunsa dhunia ini maka aeate bhe Kristus, kapaꞌamo anaꞌa foliuno kataa.

1 Tesalonika 4:17

Mada aitu intaodiomu dumadino ne wakutuu anaꞌa datisangke dapoowa-owa bhe andoa te olu ngkapute dasumumpui Ompu te antara. Nadamo anaꞌa daeateomu bhe Ompu ampa suhue dhamani.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.

1 Yohanes 3:2

Bhahitieꞌiku timoasiꞌaono! Aitu intaodiomu ini anaꞌino Lahataꞌala, tamaka nada amai wutonto ini mada kaowu, miinaꞌo dafofohatoanea. Ampamo kaowu dopandeꞌaaneomu nahumato Kristus namotiwoha toha Wutono, dapototomoomu bhe Anoa, kapaꞌamo ne naꞌa damohaomu wutono Kristus peda katuno sakotu-kotuꞌuno.

Powoha 21:22

Lambu mongkilo weo kota amaitu miina aohaea, hampano Ompu Lahataꞌala Fofoliuno Kuasa bhe Anano Dhumba maitu, andoamo lambu mongkilono.

Powoha 3:21

Sasuka fotalono amongkohae te kaengkohaꞌaku kumalabhiano ⸤ so damahintaꞌao⸥ dapoowa bhe Idi, pedamo dua Idi padamo afotalo maka aengkoha apoowa-owa bhe Amaku te kaengkohaꞌano kumalabhiano.