Yohanes 17:1 - Muna Southern Dialect

¹ Pada nopugau peda naꞌa Yesus nototohanamo te lani maka nopugau ambano, “Ama, nohatomo tempono, fotiwoha kakalabhiano Anamu ⸤ Idimo ini⸥ , neanomo Anamu namotiwoha dua kakalabhiamu.

Yohanes 17:1 Iomraidhean Croise

Markus 14:41

Tolu paku kaowu nosulikida, nopugaumo ambano, “Moodomoomu bhe fewulemoomu. Netaamo! Nohatomo tempono. Anano Manusia - Idimo ini - damowaemo ne limando mie kodhosa.

Lukas 18:13

Tamaka mealano sewa naꞌa neehe-ehe se mokodoꞌoꞌano, bhe miina naokadoa natumotohana. Anoa tanotofa-tofa mbadhano kaꞌosano sosono bhe nopugau, ‘O Lahataꞌala, mobhela kanau lalo, idi mie kodhosano ini.’

Lukas 22:53

Ingka seꞌo-seꞌoleo apoowa-owa bhe hintimiu weo Lambuno Lahataꞌala tamaka miina humako kanauꞌomu. Ampamo kaowu aitu nohatomo wakutuumiu, ainiꞌaemo tempono kuasano kahohondo.”

Yohanes 11:4

Nofetingke bhihita anaꞌa Yesus tanopugau ambano, “Saki anaꞌa paise naeowa mate, tamaka namotiwoha kakalabhiano Lahataꞌala, natiwohaꞌao dua kakalabhiano Anano Lahataꞌala.”

Yohanes 11:41

Dadiꞌanomo dofogampimo kontu anaꞌa. Pada aitu Yesus nototohanamo bhe nopugau ambano, “Ama, notumpu laloku ne Hintu hampano fetingke kanau.

Yohanes 12:23

Tamaka Yesus tanotobhoosidamo ambano, “Nohatomo tempono Anano Manusia damekakalabhiaꞌe.

Yohanes 13:1

Tana seꞌoleo hohaeaꞌano Paska. Yesus nopandeꞌaanemo nohatomo tempono nahumunsa dhunia ini nasumuli te Amano. Anoa noasiꞌao mie mangkafie te dhunia ini, sadaa-daa noasianda ampa we kapuliaono.

Yohanes 16:32

Nahumato tempono, ingka aitu nohatomo, hintimiu dagumasakoomu. Seemie-seemie nasumuli we lambuno humunsa kanauꞌomu taꞌamoisa. Gahaꞌa Idi miina amoisaa, kapaꞌamo Amaku nopobhai kanau.

Yohanes 7:30

Ne naꞌa o mie dokopatudhu dahumakoe, tamaka bhe naseemie miina bhe dumingkue, hampano miinaꞌo nahumato tempono.

Yohanes 7:39

Nepulaoꞌaono Yesus naꞌa Rohino Lahataꞌala so netahimando marasaeano ne Anoa. Wakutuu anaꞌa Rohi amaitu miinaꞌo nahumatoa, mbaꞌinomo Yesus miinaꞌo naꞌumawa kakalabhiano ⸤ weo mateno⸥ .

Yohanes 8:20

Kosasawiꞌae naꞌa nopugauane Yesus wakutuuno nofofoinaꞌu weo Lambuno Lahataꞌala ne owano sohongano sadhakaa. Tamaka bhe seemie miina bhe humakoe hampano miinaꞌo nahumato tempono.

Tula-tulando rasulu 3:13

Lahataꞌalano Abraham, Ishak bhe Yakub, Lahataꞌalando awuaꞌintoomu nofekakalabhiamo Yesus palima-limano. Yesus ini owaeꞌomu ne kolakino liwu, tamaka mahinggamo Pilatus nokopatudhu namolapae, hintimiu mongaheꞌieꞌomu.

1 Petrus 1:21

Noangka ne Kristus hintimiu parasaeaꞌomu ne Lahataꞌala, modadino Kristus maiꞌao ne mate maka nofekakalabhiaꞌe. Dadiꞌanomo kaparasaea bhe posahunaꞌaomiu senaꞌa-naꞌa ne Lahataꞌala.