Yohanes 16:2 - Muna Southern Dialect

² Hintimiu daꞌumeleꞌaangkoomu mesuaꞌomu lambu kasambaheaꞌa. Tadua nahumato tempono sasuka mie mongkokoomu kunaꞌendomo dofeompu ne Lahataꞌala.

Yohanes 16:2 Iomraidhean Croise

Matius 10:28

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Matius 24:9

Humato anaꞌa dahumakokoomu, maka damowakoomu ne limando mie so modee-deekoomu maka damongkokoomu. Kosasawindo bansano liwu dabansikoomu mbaꞌinomo membaliomu anaguhuꞌiku.

Lukas 6:22

Kodawua mpuu ane dabansikoomu mie bhaimiu, ane dagumihasikoomu tawa dabihidhingikoomu bhe dasumambili neamiu ne modaiꞌano hampano mangkafiomu Anano Manusia.

Yohanes 12:42

Mahinggamo peda anaꞌa, dobhahi dua neangkando miendo Yahudi marasaeano ne Yesus. Tamaka miina daokadoa doꞌakui kaparasaeando kapaꞌamo doteꞌi miendo Farisi, bhahaꞌi tadoꞌeleꞌaanda damesua weo lambu kasambaheaꞌa.

Yohanes 16:25

Kosasawiꞌae ini apale-palendaangkoeꞌomu kaowu. Gahaꞌa nahumatomo tempono paemo aepalendaangkoomu, amohatoangkoeꞌomu mentalea-mentalea laꞌae Amaku.

Yohanes 16:32

Nahumato tempono, ingka aitu nohatomo, hintimiu dagumasakoomu. Seemie-seemie nasumuli we lambuno humunsa kanauꞌomu taꞌamoisa. Gahaꞌa Idi miina amoisaa, kapaꞌamo Amaku nopobhai kanau.

Yohanes 4:21

Ambano Yesus, “Parasaea kanau waꞌina, tetewei nahumato tempono o mie paemo dasumombai Amaku Lahataꞌala te kabhawo aini, paemo dua we Yerusalem.

Yohanes 4:23

Tamaka nahumato tempono, aitu ingka nohatomo, mie kotu-kotuꞌu sumombano ne Amaku Lahataꞌala dasumombaiꞌe maiꞌao ne totono lalondo bhe kasombaindo nabanara, kapaꞌamo Amaku nopoindaloda mie medano maitu.

Yohanes 9:22

Kapugauꞌando kamungkulano peda maitu doteꞌi miendo Yahudi, kapaꞌamo miendo Yahudi domafakaanemo sasuka kumonano Yesus maitu Mesias Omputo Fosalamatino, daꞌumeleꞌaanda damesua weo lambu kasambaheaꞌa.

Yohanes 9:34

Dotobhoosimo ambado, “Hintu ini lente weo dhosa, maka patudhumu moinaꞌu kainsami gahaꞌa?” Pada aitu dogihasiemo, miinamo naembali namesua weo lambu kasambaheaꞌa.

Tula-tulando rasulu 5:33

Dofetingke pugau anaꞌa, nolea sepaliꞌa lalondo Sahano Agama, sampe dokopatudhu damongkoda.

Tula-tulando rasulu 7:56

Nopugaumo Stefanus ambano, “Soba ondoomu, awoha lani notilengka bhe Anano Manusia neehe-ehe ne sohihino Lahataꞌala.”

1 Korintus 4:13

Ane dofekaꞌaebu kainsami, tatobhoosi meteetaa. Insaodi tapedamo hewuno dhunia ini, taꞌampamo aitu dokona kainsami samahano dhunia.

Filipi 3:6

Afoma-fomai laloku afodee-dee umati marasaeano ne Yesus. Ane doꞌondo dadiku weo angkafiꞌano tubhono agama Yahudi, idi ini miina akodengo-dengoa.

Powoha 6:9

Wakutuuno Anano Dhumba nolengka kafuluti kalima iseno, we pandano medha kaefoampeꞌa awohamo alusundo mie nepongko mbaꞌinomo doangkafi bhoasaono Lahataꞌala bhe dosakusiiꞌao kaparasaeando.