Yohanes 15:8 - Muna Southern Dialect

⁸ Ane nabhahi bhakemiu, natiwohamo kakalabhiano Amaku. Nadamo anaꞌa hintimiu kotu-kotuꞌumo anaguhuꞌiku.”

Yohanes 15:8 Iomraidhean Croise

Matius 5:16

Pedamo aitu dua tilangamiu tabeano naentalea ne wisendo mie bhaimiu, dowohaꞌao podiumiu metaaꞌano so damudhiꞌao Amamiu te surugaa.”

Matius 5:44

Tamaka ambaku Idi, moasianda kaewamu bhe sambaheaꞌanda mie modee-deeko.

Matius 9:8

Mie bhahi mohano kadhadhia aitu doteꞌi bhe dopudhi Lahataꞌala maꞌaono kuasa bhalano pedando aitu ne manusia.

Lukas 6:35

Tamaka hintimiu, moasianda kaewamu, habu metaa ne andoa. Fofoada tamaka koe posahunaꞌao sumuli umawae, maka meꞌawa ponambo bhahi. Hintimiu membaliomu anaꞌino Lahataꞌala foliuno kuasa, kapaꞌamo Lahataꞌala netaa dua lalono ne mie tapa mepandeꞌaono katumpuno lalo bhe mie modai.

Yohanes 13:35

Ane pomoa-moasiꞌaoꞌomu, kosasawindo mie damandeꞌaane putae hintimiu anaguhuku.”

Yohanes 15:5

Idimo ini puꞌuno angguru, hintimiu haꞌaꞌino. Sasuka seꞌiseno bhe Idi, Idi aseꞌise bhe anoa, anoa maitu nabhahi bhakeno; kapaꞌamo we simbaliku paise meafa-afaomua.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

1 Korintus 10:31

⸤ Katobhoosiku peda aini:⸥ ane momaa tawa mohoꞌu, tawa o ae maka dua nehabumu, habue bhahi-bhahiꞌe naꞌa so kakalabhiano Lahataꞌala.

1 Korintus 6:20

Kapaꞌamo hintimiu itu padamo doꞌolikoomu, olimiu padamo dotanduaꞌane. Dadiꞌanomo pakeomu mbadhamiu so kakalabhiano Lahataꞌala.

Filipi 1:11

Maꞌanano dadimiu naoponoꞌao podiu metaa nehabuno Yesus Kristus, nada sau kobhake metaano. Kosasawiꞌae ini somo damekakalabhiaꞌao bhe damudhiꞌao Lahataꞌala.

Titus 2:10

Koise dokalima-lima, tamaka damotiwohae kalaano totono lalondo bhe datiparasaea. Ane podiundo nada anaꞌa, ingka dofotiwohaemo ne mie bhaindo kakesano kafoinaꞌuno Lahataꞌala Mosalamati kaita.

Titus 2:5

dakotimbangi, naongkilo totono lalondo, dakokoso daꞌumondofao polambudo, naetaa lalondo bhe daeangka ne moꞌanendo. Ane dadumadi nada naꞌa, pae bhe mie ⸤ we simbalino umati⸥ so mekandidikino bhoasaono Lahataꞌala.

1 Petrus 2:12

Ehe mengkohamiu ne olotando mie tapa marasaeano ne Lahataꞌala tabeano naetaa sepaliꞌa, neanomo ane dakumonakoomu mie modai, ingka damohaꞌao wutondo sabhaha habu metaamiu. Dadiꞌanomo ne oleo kahatoꞌano Lahataꞌala andoa damekakalabhiaꞌe dua.

1 Petrus 4:11

Ane seemie neowa kafoinaꞌu, naetaa napugau kanggetumo wambano wutono Lahataꞌala. Ane seemie nofoꞌondofao, naetaa namake kaꞌosa newaꞌaono Lahataꞌala, neanomo ne sabhaha nehabumiu Lahataꞌala damekakalabhiaꞌe namangka ne Yesus Kristus. Ingka Anoamo kokalabhiano bhe kokuasano ampa suhue dhamani. Amin.