Yohanes 15:7 - Muna Southern Dialect

⁷ Ane hintimiu seꞌiseomu bhe Idi bhe kafoinaꞌuku naeate we totono lalomiu, maka tamesalomoomu ampa kapoindalomiu maka tetewei umawaeꞌomu.

Yohanes 15:7 Iomraidhean Croise

Matius 7:7

“Tamesalomo tetewei damaꞌangko, taꞌondofimo tetewei poꞌawaane; tamekatengkimo fointo tetewei dalumengkaangkoe.

Yohanes 14:13

O ae maka dua kamesalomiu weo neaku, amangkafie, neanomo kakalabhiano Amaku natiwohamo ne Anano.

Yohanes 15:16

Suano hintimiu mili kanau, tamaka o Idi milikoomu. Idimo tumudukoomu kumalaomu so nobhahiꞌao bhakemiu bhe sadaa-daa kantarano, neanomo o ae maka dua so nesalomiu ne Amaku weo neaku namaꞌangkoeꞌomu.

Yohanes 16:23

Ne oleo anaꞌa paise sepaliꞌa meenaomu ne Idi. Amohatokoomu, kotu-kotuꞌu o ae maka dua nesalomiu ne Amaku weo neaku, tetewei namaꞌangkoeꞌomu.

Yohanes 8:31

Nopugaumo Yesus ne miendo Yahudi marasaeano maitu ambano, “Ane mintahakiomu kansuhu kafoinaꞌuku, hintimiu kotu-kotuꞌu anaguhuꞌiku.

Yohanes 8:37

“Apandeꞌaane hintimiu sampuꞌano Abraham, tamaka kopatudhu mongko kanauꞌomu hampano wambaku miina tumahimaeꞌomu weo totono lalomiu.

Galatia 4:2

Anoa sadhia bhe mie umondofaono kafaraluuno bhe umurusuno sabhaha fehebuaꞌano, ampa nohato tempono peda netubhono amano.

Galatia 5:16

Patudhuku peda aini: dadiomu angkafiomu kaatono Rohino Lahataꞌala, maka paemo mangkafiomu kapoindalono wuto.

Kolose 3:16

Naetaa bhoasaono Kristus bhe sabhaha kabarakatino nakumabhinti totono lalomiu, neanomo naembali pofoi-foinaꞌu bhe potanga-tangahiomu maiꞌao ne totono lalo kotimbangi. Pudhiomu Lahataꞌala, mepakeomu lagu mazmur ne Kitabino Daud, lagu-laguno kapudhi bhe lagu-lagu lumebeno. Melaguomu bhe mefoampeomu katumpuno lalo ne Lahataꞌala.

1 Yohanes 2:14

Hintimiu membalino anaꞌi, aebuhiangkoomu hampano pandeꞌaanemoomu Amantoomu. Hintimiu membalino ama, aebuhiangkoomu hampano pandeꞌaanemoomu ndumandoono mpini kabhao-bhaono. Hintimiu kahangku dadi, aebuhiangkoomu hampano moꞌosaomu bhe bhoasaono Lahataꞌala neate weo totono lalomiu bhe taloemoomu Kafeompuꞌando seetani.

1 Yohanes 2:27

Tamaka hintimiu, Kristus ingka padamo nofosampuangkoomu Rohino weo totono lalomiu. Dadiꞌanomo miina namaraluua damoinaꞌukoomu mie sigaoꞌano. Rohino Kristus nofoinaꞌuangkoomu bhahi-bhahiꞌae bhe kafoinaꞌuno nokotuꞌu, suano wamba kabuangkaa. Dadiꞌanomo dadiomu weo kaseꞌise bhe Kristus, peda toka nefoinaꞌuꞌaono Rohino naꞌa.

1 Yohanes 3:22

Ane nada naꞌa, o ae maka nemesalonto tetewei daꞌumawae, hampano deangka ne pahintano Lahataꞌala bhe dehabu posahataaꞌano bhe lalono.

1 Yohanes 5:14

Intaodiomu dokado dofewise ne Lahataꞌala, hampano doparasaea ane desalo nopoangkafi bhe kapoindalono, tetewei nafofetingke.