Yohanes 15:26 - Muna Southern Dialect

²⁶ Mada kaowu atumuduangkoomu Fotulumino maiꞌaono ne Amaku, Rohino Lahataꞌala meowano kabanara. Anoamo itu sumakusii kanau.

Yohanes 15:26 Iomraidhean Croise

Lukas 24:49

Mada kaowu o Idi amakatuangkoomu toka nedhandiꞌaono Amaku. Ampamo kaowu hintimiu tetewei meateomu weo kota ini sampe nakumabhintikoomu kuasa namaiꞌao te surugaa.”

Yohanes 14:26

Tamaka mada kaowu nahumato Rohino Lahataꞌala, Fotulumino so netuduno Amaku weo neaku. Anoamo so mohatoangkoomu kosasawiꞌae kafoinaꞌuku, Anoamo dua so meꞌulaiangkoomu sabhaha wambaku ne hintimiu.

Yohanes 16:7

Wambaku ini nokotuꞌu, so hintimiu nakofahalaa akumala bhe paisea. Kapaꞌamo ane pae akumala, Rohi Fotulumino pae namaiꞌikoomua, tamaka ane akumala, atumudue namai ne hintimiu.

Yohanes 8:42

Ambano Yesus, “Ane amamiu Lahataꞌala, tetewei moasi kanauꞌomu hampano Idi ini amaiꞌao ne Lahataꞌala. Kahatoꞌaku ini suano kapoindaloku Wutoku, tamaka kapoindalono Tumudu kanau.

Tula-tulando rasulu 1:4

Sepaku tangasano nohumaa bhe andoa, nopugauandamo ambano, “Koe hunsaomu Yerusalem ini, meateomu ne ini. Antagiomu dhandino Amaku, dhandino nepulaoꞌaoku endefiꞌini.

Tula-tulando rasulu 15:8

Lahataꞌala mandeꞌaonomo lalondo manusia, nofotiwohamo bukutii notahimamo mie suano Yahudi, kapaꞌamo nowaꞌandamo dua Rohino peda intaodiomu miendo Yahudi.

Tula-tulando rasulu 5:32

Insaodimo ini sumakusiiꞌaono sabhaha kadhadhia naꞌa, insaodi bhe Rohino Lahataꞌala. Rohino Lahataꞌala ini nowaꞌandae Lahataꞌala ne kosasawindo mie mangkafino pahintano.”

1 Korintus 1:6

Aini katandainomo putae bhihitano Kristus neowa mani nokopahakamo weo totono lalomiu.

Ibrani 2:4

We simbalino dua anaꞌa, Lahataꞌala nofekamatangka kasakusiindo nepake tanda tapa mentela, giu timenteꞌaono bhe sabhaha kuasa mangaliuno, bhe nofodawu-dawuꞌao dua kawaꞌaono Rohino Lahataꞌala nopoangkafi bhe kapoindalono Wutono.

Powoha 22:1

Pada anaꞌa malaꞌekati amaitu nofosusu kanaumo umeleno oe meowano dadi. Umele maitu nomoinda tapedamo kristal, nomawa nomaiꞌao ne kaengkohaꞌano kumalabhiano Lahataꞌala bhe Anano Dhumba,